‘ഭാര്യ ഗര്‍ഭിണിയായതിനാല്‍ കോഹ്​ലി ലീവില്‍, നടരാജന്‍ ഇതുവരെയും കുട്ടിയെ കണ്ടില്ല’ -വിവേചനമെന്ന്​ ഗാവസ്​കര്‍

സിന്ധുമോൾ. ആർ

ഇന്ത്യന്‍ ക്രിക്കറ്റ്​ ടീമില്‍ ​വിവേചനമുണ്ടെന്ന​ ആരോപണവുമായി മുന്‍ താരം സുനില്‍ ഗാവസ്കര്‍. നായകന്‍ വിരാട് കോഹ്​ലിയുടെയും നടരാജന്റെയും നിവലിലെ സാഹചര്യങ്ങള്‍ ചൂണ്ടിക്കാണിച്ച്‌ ഗാവസ്​കര്‍ സ്പോര്‍ട്​സ്റ്റാര്‍ മാസികയില്‍ എഴുതിയ ലേഖനം വിവാദങ്ങള്‍ക്ക്​ വഴിതെളിച്ചിരിക്കുകയാണ്. ‘ഐ.പി.എല്‍ പ്ളേ ഓഫ്​ നടക്കു​മ്പോളാണ്​ നടരാജന്​ പെണ്‍കുഞ്ഞ്​ പിറന്നത്​. അദ്ദേഹത്തെ യു.എ.ഇയില്‍ നിന്നും നേരിട്ട്​ ആസ്​ട്രേലിയന്‍ പര്യടനത്തിലേക്ക്​ കൊണ്ടുപോയി. മികച്ച പ്രകടനത്തിന്​ ശേഷം അദ്ദേഹത്തോട്​ ടെസ്റ്റ്​ ടീമിലില്ലാതിരുന്നിട്ടും നെറ്റ്​ ബൗളറായി തുടരാന്‍ ആവശ്യപ്പെട്ടു​’​.

‘അതുകൊണ്ട്​ തന്നെ അദ്ദേഹത്തിന്​ ഇന്ത്യന്‍ ടീം നാട്ടിലേക്ക്​ മടങ്ങിയ ശേഷം മാത്രമേ മകളെ കാണാന്‍ കഴിയുകയുള്ളു. അതേ സമയം ഇന്ത്യന്‍ ക്യാപ്​റ്റന്‍ വിരാട്​ കോഹ്​ലി ആദ്യ ടെസ്റ്റിന്​ ശേഷം കുഞ്ഞിനെ കാണാനായി മടങ്ങുകയാണ്. അതാണ് ഇന്ത്യന്‍ ക്രിക്കറ്റ്. വ്യത്യസ്ത താരങ്ങള്‍ക്ക് വ്യത്യസ്ത നീതിയാണെന്നും’ ഗാവസ്കര്‍ കുറിച്ചു.