സിന്ധുമോള് ആര്
മണ്ണഞ്ചേരി: മകൻ ഡോക്ടറായ ആശുപത്രിയിൽ നഴ്സിങ് ഓഫിസറായി അമ്മ ചുമതലയേറ്റു. മണ്ണഞ്ചേരി മൂന്നാം വാർഡ് കാവുങ്കൽ തോപ്പുവെളിയിൽനിന്ന് ആര്യാട് പഞ്ചായത്ത് 12-ാം വാർഡ് ഗുരുപുരം കേദാരത്തിൽ യുനൈറ്റഡ് ഇന്ത്യ ഇൻഷുറൻസ് ആലപ്പുഴ ഓഫിസ് അസി. മാനേജർ സി. ഗോപിയുടെ ഭാര്യ പ്രസന്നയും മകൻ ഡോ. അർജുൻ ഗോപിയുമാണ് തിരുവനന്തപുരം എസ്.എ.ടി ആശുപത്രിയിൽ ഒരുമിച്ച് ജോലി ചെയ്യുന്നത്.
രാജ്യത്തെ ഏറ്റവും പ്രായം കൂടിയ കോവിഡ് ബാധിതരായ ദമ്പതികളെ മരണത്തിൽനിന്ന് കരകയറ്റിയ മെഡിക്കൽ ടീമിൽ നഴ്സിങ് വിഭാഗത്തിന്റെ ചുമതല വഹിച്ചിരുന്ന കോട്ടയം മെഡിക്കൽ കോളജിലെ നഴ്സിങ് സൂപ്രണ്ടാണ് പ്രസന്ന.