തലപതി വിജയിയുടെ വരാനിരിക്കുന്ന മാസ്റ്റര് എന്ന ചിത്രത്തിന്റെ പുതിയ പോസ്റ്റര് പുറത്തിറങ്ങി. ചിത്രത്തിന്റെ റിലീസ് തീയതി പ്രഖ്യാപിച്ചുകൊണ്ടുള്ള പോസ്റ്റര് ആണ് പുറത്തിറങ്ങിയത് . ചിത്രം ജനുവരി 13ന് തീയറ്ററില് റിലീസ് ചെയ്യും.
കാര്ത്തിയെ നായകനാക്കി ഒരുക്കിയ സൂപ്പര്ഹിറ്റ് ചിത്രം കൈതിക്കു ശേഷം ലോകേഷ് കനകരാജ് ഒരുക്കുന്ന വിജയ് ചിത്രമാണ് ‘മാസ്റ്റര്’.വിജയ് സേതുപതി വില്ലനായി എത്തുന്ന ചിത്രത്തില് മാളവിക മോഹനന്, ആന്ഡ്രിയ, ശന്തനു ഭാഗ്യരാജ്, അര്ജുന് ദാസ്, ശ്രിനാഥ്, സഞ്ജീവ് ഗൗരി കൃഷ്ണന്, വിജെ രമ്യ എന്നിവരാണ് മറ്റ് പ്രധാന താരങ്ങള്. അനിരുദ്ധ് രവിചന്ദര് ആണ് ചിത്രത്തിന് സംഗീതമൊരുക്കുന്നത്. ഛായാഗ്രഹണം നിര്വഹിക്കുന്നത് സത്യന് സൂര്യനുമാണ്.
വിദ്യാഭ്യസ രംഗത്തെ അഴിമതിയെ ആസ്പദമാക്കിയാണ് ചിത്രം ഒരുക്കുന്നുതെന്നും, ചിത്രത്തില് ഒരു പ്രൊഫസറുടെ വേഷത്തിലാകും വിജയ് എത്തുന്നതെന്നുമാണ് റിപ്പോര്ട്ടുകള്. വിജയ് സേതുപതിയും വിജയിയും ആദ്യമായി ഒരുമിക്കുന്ന ചിത്രമാണ് ഇത്.