![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ.എസ്
ന്യൂഡല്‍ഹി: ട്രെയിനില്‍ ആന്ധ്രപ്രദേശിലേക്ക് പോയ 50 വയസുകാരിക്ക് ജനിതകമാറ്റം സംഭവിച്ച കൊറോണ വൈറസ് സ്ഥിരീകരിച്ചതായി റിപ്പോര്‍ട്ട് ലഭിച്ചിരിക്കുന്നു. യു.കെയില്‍ നിന്നും ഡിസംബര്‍ 21നാണ് ഇവര്‍ ഡല്‍ഹിയിലെ ഇന്ദിരാഗാന്ധി വിമാനത്താവളത്തിലെത്തിയത്. തുടര്‍ന്ന് ഡിസംബര്‍ 24ന് ആന്ധ്രയിലേക്ക് ട്രെയിനില്‍ യാത്ര തിരിക്കുകയും ചെയ്യുകയുണ്ടായി.
കോവിഡ് പരിശോധന ഫലം പോസിറ്റീവാണെന്ന് അറിയാതെയായിരുന്നു ഇവരുടെ യാത്ര. തുടര്‍ന്ന് ഇവരെ ഫോണിലൂടെ അധികൃതര്‍ ബന്ധപ്പെടാന്‍ ശ്രമിച്ചെങ്കിലും അതിനു കഴിഞ്ഞില്ല. ഇതോടെ പരിഭ്രാന്തരായ അധികൃതര്‍ ഇവര്‍ക്കായി വ്യാപക തെരച്ചില്‍ തുടങ്ങി. പിന്നീട് സ്ത്രീയേയും മകനേയും വിശാഖപട്ടണത്തേക്കുള്ള ട്രെയിനില്‍ കണ്ടെത്തുകയാണ് ഉണ്ടായത്. ഇരുവരും ഇപ്പോള്‍ സര്‍ക്കാര്‍ നിയന്ത്രിത ക്വാറന്‍റീന്‍ സെന്ററിലാണ് ഉള്ളതെന്ന് അധികൃതര്‍ അറിയിച്ചു.
