സിന്ധുമോൾ. ആർ
കൊച്ചി: എറണാകുളത്ത് ഏറെക്കാലമായി തുടരുന്ന ഗതാഗത കുരുക്കിന് പരിഹാരമാകുന്ന വൈറ്റില, കുണ്ടന്നൂര് മേല്പാലങ്ങള് മുഖ്യമന്ത്രി പിണറായി വിജയന് ഇന്ന് നാടിന് സമര്പ്പിക്കും. വീഡിയോ കോണ്ഫ്രന്സിങ്ങിലൂടെയാണ് മുഖ്യമന്ത്രി ഉദ്ഘാടനം നടത്തുന്നത്. ഇരുപാലങ്ങളും സംസ്ഥാന സര്ക്കാര് പൂര്ണ്ണമായും കിഫ്ബി ധനസഹായത്തോടെ ഏറ്റെടുത്ത് നിര്മ്മിച്ചവയാണ്.
717 മീറ്റര് ദൂരത്തില് 86.34 കോടി രൂപ ചെലവിലാണ് വൈറ്റില മേല്പ്പാലം പൂര്ത്തിയായത്. സംസ്ഥാനത്ത് ഏറ്റവും തിരക്കേറിയ ജംഗ്ഷനിലൊന്നായാണ് വൈറ്റിലയെ കണക്കാക്കുന്നത്. അതേസമയം എന്എച്ച് 66, എന്എച്ച് 966ബി, എന്എച്ച് 85 എന്നിവ സംഗമിക്കുന്ന ഇടമാണ് കുണ്ടന്നൂര്. 701 മീറ്റര് ദൈര്ഘ്യത്തില് 82.74 കോടി രൂപ ചെലവിട്ടാണ് പാലം പൂര്ത്തീകരിച്ചത്.
നേരത്തെ ഉദ്ഘാടനത്തിന് മുമ്പ് തന്നെ വി ഫോര് കൊച്ചി എന്ന സംഘടനയുടെ പ്രവര്ത്തകര് പാലം തുറന്നുകൊടുത്തത് വിവാദമായിരുന്നു. നിര്മാണം പൂര്ത്തിയായിട്ടും പാലം ഉദ്ഘാടനം നടത്തുന്നില്ല എന്ന ആരോപണത്തിന്റെ പശ്ചാത്തലത്തിലായിരുന്നു. സംഭവത്തില് നാലു പേരെ പൊലീസ് അറസ്റ്റ് ചെയ്യുകയും ചെയ്തിരുന്നു.