സീറ്റൊഴിവ്
സാങ്കേതിക വിദ്യാഭ്യാസ വകുപ്പും കേരള സ്റ്റേറ്റ് സെന്റര് ഫോര് അഡ്വാന്സ്ഡ് പ്രിന്റിംഗ് & ട്രെയിനിംഗിനും സംയുക്തമായി തിരുവനന്തപുരത്തുളള ട്രെയിനിംഗ് ഡിവിഷനില് ആരംഭിക്കുന്ന ഒരു വര്ഷ ദൈര്ഘ്യമുളള സര്ട്ടിഫിക്കറ്റ് ഇന് ഓഫ്സെറ്റ് പ്രിന്റിംഗ് ടെക്നോളജി കോഴ്സില് ഏതാനും സീറ്റുകള് ഒഴിവുണ്ട്. അപേക്ഷകര് പ്ലസ്ടു/വി.എച്ച്.എസ്.ഇ/ഡിപ്ലോമ അഥവാ തത്തുല്യ യോഗ്യത നേടിയിരിക്കണം. പട്ടികജാതി/പട്ടികവര്ഗ്ഗ/മറ്റര്ഹ വിഭാഗക്കാര്ക്ക് നിയമാനുസൃത ഫീസ് സൗജന്യമായിരിക്കും. ഒ.ബി.സി/എസ്.ഇ.ബി.സി/മുന്നാക്ക സമുദായങ്ങളിലെ സാമ്പത്തികമായി പിന്നാക്കം നില്ക്കുന്ന വിദ്യാര്ഥികള്ക്ക് വരുമാന പരിധിക്ക് വിധേയമായി ഫീസ് ആനുകൂല്യം ലഭിക്കുന്നതാണ്. ഈ സര്ട്ടിഫിക്കറ്റ് പ്രിന്റിംഗ് ഡിപ്പാര്ട്ടുമെന്റില് ഡി.റ്റി.പി ഓപ്പറേറ്റര് ഗ്രേഡ്-2, ഓഫ്സെറ്റ് പ്രിന്റിംഗ് മെഷീന് ഓപ്പറേറ്റര് ഗ്രേഡ്-2, പ്ലേറ്റ് മേക്കര് ഗ്രേഡ്-2 തസ്തികകളിലേക്ക് കേരള പബ്ലിക് സര്വ്വീസ് കമ്മീഷന് മുഖേന നിയമനം ലഭിക്കുന്നതിന് സര്ക്കാര് അംഗീകാരമുണ്ട്.
അപേക്ഷകര് വിദ്യാഭ്യാസ യോഗ്യത, ജാതി, വരുമാനം എന്നിവ തെളിയിക്കുന്ന അസല് സര്ട്ടിഫിക്കറ്റുകളും സാക്ഷ്യപ്പെടുത്തിയ പകര്പ്പുകളും പാസ്പോര്ട്ട് സൈസ് ഫോട്ടോയും സഹിതം കേരള സ്റ്റേറ്റ് സെന്റര് ഫോര് അഡ്വാന്സ്ഡ് പ്രിന്റിംഗ് ആന്ഡ് ട്രെയിനിംഗ്, ട്രെയിനിംഗ് ഡിവിഷന്, സിറ്റി സെന്റര്, പുന്നപുരം, പടിഞ്ഞാറേകോട്ട, തിരുവനന്തപുരം 695024 എന്ന വിലാസത്തില് നേരിട്ട് ഹാജരാകേണ്ടതാണ്. കൂടുതല് വിവരങ്ങള്ക്ക് 0471-2474720, 2467728, www.captkerala.com.