സിന്ധുമോൾ. ആർ
ലഖ്നൗ: പിറന്നാള് ആഘോഷിക്കാന് തോക്ക് ഉപയോഗിച്ച് കേക്ക് മുറിച്ചു യുവാക്കള്. ഒടുവില് പണികിട്ടി. യുപിയിലെ ഹാപൂരിലാണ് വിചിത്രമായ കേക്കുമുറി നടന്നത്. 20 സെക്കന്ഡ് ദൈര്ഘ്യമുള്ള വീഡിയോ സമൂഹമാധ്യമങ്ങളില് വൈറലായതോടെ യുവാക്കളെ പൊലീസ് അറസ്റ്റ് ചെയ്തു. ഷാനവാസിന്റെ പിറന്നാള് ആഘോഷമാണ് വിവാദമായത്.
പിറന്നാള് ആഘോഷത്തിന് നിരവധി പേര് എത്തിയിരുന്നു. ഇവരുടെ മുന്നില്വച്ച് ഷാനവാസ് സുഹൃത്ത് ഷാക്കിബുമായി ചേര്ന്ന് പിറന്നാള് കേക്ക് തോക്ക് കൊണ്ട് മുറിക്കുന്നതാണ് 20 സെക്കന്ഡ് ദൈര്ഘ്യമുള്ള വീഡിയോയിലുള്ളത്. കേക്ക് മുറിക്കുന്ന ആളുകളുടെ മുഖം വ്യക്തമായതിനാല് പൊലീസിന് പ്രതികളെ പിടികൂടാന് എളുപ്പമാവുകയും ചെയ്തു.