![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ.എസ്
ചെന്നൈ: കാലിലെ ശസ്ത്രക്രിയക്ക് ശേഷം നടന്‍ കമല്‍ ഹാസന് ആശുപത്രി വിട്ടു. ചെന്നൈയിലെ ശ്രീ രാമചന്ദ്ര ആശുപത്രിയില്‍ ചികിത്സയിലായിരുന്നു അദ്ദേഹം. വലതുകാലിലെ അസ്ഥിയിലുണ്ടായ അണുബാധയെ തുടര്‍ന്നായിരുന്നു അദ്ദേഹം ചികിത്സയില്‍ കഴിഞ്ഞത് .ജനുവരി 19നാണ് കമല്‍ ഹാസനെ ശസ്ത്രക്രിയക്ക് വിധേയമാക്കിയത്.
ഒരാഴ്ചയോളം അദ്ദേഹം വീട്ടില്‍ വിശ്രമത്തില്‍ തുടരും. വിശ്രമശേഷം അദ്ദേഹം സിനിമയിലും രാഷ്ട്രീയത്തിലും സജീവമാകുമെന്നാണ് വിവരം. അതെ സമയം കമല്‍ ഹാസന്റെ ശസ്ത്രക്രിയ വിജയകരമായിരുന്നുവെന്ന് മക്കളായ ശ്രുതി ഹാസനും അക്ഷര ഹാസനും നേരത്തെ അറിയിച്ചിരുന്നു. വര്‍ഷങ്ങള്‍ക്ക് മുമ്പുണ്ടായ അപകടത്തില്‍ കമല്‍ ഹാസന് നേരത്തേ കാലില്‍ ഒരു ശസ്ത്രക്രിയ നടത്തിയിരുന്നു. അതിന്റെ തുടര്‍ ശസ്ത്രക്രിയയാണ് ഇപ്പോള്‍ നടത്തിയത്.
