കോയമ്പത്തൂര്: പുലിത്തോല് വില്ക്കാന് ശ്രമിച്ച ആറുപേരെ വനപാലകര് പിടികൂടി. സേത്തുമടമയില് മയില്സ്വാമി, മക്കളായ ഉദയകുമാര്, രമേഷ് കുമാര്, ആനമല പ്രവീണ്, ഒടയംകുളം മണികണ്ഠന്, ശബരി ശങ്കര് എന്നിവരാണ് അറസ്റ്റിലായത്.
പൊള്ളാച്ചി വേട്ടക്കാരന് പുതൂര് അശോക് നഗറില് ചിലര് പുലിത്തോല് വില്ക്കാന് ശ്രമിക്കുന്നതായി വനംവകുപ്പിനു ലഭിച്ച വിവരത്തെ തുടര്ന്ന് നടത്തിയ വാഹന പരിശോധനയിലാണ് കാറിന്റെ ഡിക്കിയില് ഒളിപ്പിച്ച നിലയില് പുലിത്തോല് കണ്ടെത്തിയത്. തുടര്ന്ന് നടത്തിയ ചോദ്യം ചെയ്യലില് മയില്സ്വാമി 15 വര്ഷം മുന്പ് താന് ജോലി ചെയ്തിരുന്ന പ്രസാദ് എന്നയാളുടെ വീട്ടില്നിന്നു മോഷ്ടിച്ചതാണ് പുലിത്തോലെന്നും അത് മക്കള്ക്കും സഹായികള്ക്കുമൊപ്പം വില്ക്കാന് ശ്രമിച്ചതാണെന്നും സമ്മതിച്ചു. പ്രതികളില്നിന്ന് പുലിത്തോലും കാറും ബൈക്കുകളും കണ്ടെടുത്തു.