വി കെ ശശികല ഇന്ന്‌ ചെന്നൈയിലേക്ക്

സിന്ധുമോൾ. ആർ

​ബംഗളൂരു: അനധികൃത സ്വത്ത്​ സമ്പാദന കേസില്‍ ജയില്‍മോചിതയായ അ​മ്മ മ​ക്ക​ള്‍ മു​ന്നേ​റ്റ ക​ഴ​കം നേ​താവ് വി കെ ശശികല ഇന്ന് ചെന്നൈയിലെത്തും. ശശികല സംസ്​ഥാനത്ത്​ എത്തുന്നതിനോട്​ അനുബന്ധിച്ച്‌​ സുരക്ഷ ക്രമീകരണങ്ങള്‍ ശക്തമാക്കി. തമിഴ്​നാട്​ -കര്‍ണാടക അതിര്‍ത്തിയില്‍ മാത്രം 1500ഓളം പൊലീസുകാരെ വിന്യസിച്ചു.

ബംഗളൂരു ദേവനഹള്ളിയിലെ റിസോര്‍ട്ടില്‍നിന്ന്​ രാവിലെ ശശികല തമിഴ്​നാട്​ -കര്‍ണാടക അതിര്‍ത്തിയായ ഹൊസൂറി​ലേക്കെത്തുമെന്നാണ്​ അറിയിപ്പ്​. ബംഗളൂരു മുതല്‍ ചെന്നൈ വരെ 32 ഓളം ഇടങ്ങളില്‍ സ്വീകരണമൊരുക്കിയിട്ടുണ്ട്. ടി. നഗറിലെ എം.ജി.ആറിന്റെ വസതിയിലെത്തി പ്രാർത്ഥിച്ച ശേഷം ശശികല പ്രവര്‍ത്തകരെ കാണും. 5000ത്തില്‍ അധികം പ്രവര്‍ത്തകര്‍ ശശികലയുടെ സ്വീകരണ പരിപാടികളില്‍ പ​ങ്കെടുക്കുത്തേക്കും. ശ​ശി​ക​ല​ക്കെ​തി​രെ എ.​ഐ.​എ.​ഡി.​എം.​കെ പൊ​ലീ​സി​ല്‍ പ​രാ​തി​യു​മാ​യി എത്തിയിരുന്നു. ശ​ശി​ക​ല ത​മി​ഴ്​നാ​ട്ടി​ൽ അ​ക്ര​മം അ​ഴി​ച്ചു​വി​ടാ​ൻ ഗൂ​ഢാ​ലോ​ച​ന ന​ട​ത്തു​ന്നു​വെ​ന്നും ക്ര​മ​സ​മാ​ധാ​നം പൊ​ലീ​സ്​ ഉ​റ​പ്പു​വ​രു​ത്ത​ണ​മെ​ന്നു​മാ​ണ്​ പ​രാ​തി​യി​ലെ ആ​വ​ശ്യം. ക​ർണാ​ട​ക​യി​ൽ നിന്ന് ശ​ശി​ക​ല ത​മി​ഴ്​നാ​ട്ടി​ലേ​ക്ക് മ​ട​ങ്ങാ​നി​രി​ക്കെ​യാ​ണ് ഭ​ര​ണ​ക​ക്ഷി പ​രാ​തി ന​ല്‍​കി​യ​ത്.

അ​തേ​സ​മ​യം, അ​മ്മ മ​ക്ക​ള്‍ മു​ന്നേ​റ്റ ക​ഴ​കം നേ​താ​വും ശ​ശി​ക​ല​യു​ടെ മ​രു​മ​ക​നു​മാ​യ ദി​ന​ക​ര​ൻ ആ​രോ​പ​ണം നി​ഷേ​ധി​ച്ചു. അ​ഴി​മ​തി കേ​സി​ല് ജ​യി​ൽ ശി​ക്ഷ പൂ​ർത്തിയാ​ക്കി​യ ശ​ശി​ക​ല​യ്ക്ക്​ കോ​വി​ഡ് സ്ഥി​രീ​ക​രി​ച്ചി​രു​ന്നു. തു​ടർന്ന് ഇ​വ​ർ കർണാടകയിൽ ചി​കി​ത്സ​യി​ലാ​യി​രു​ന്നു. ശശികല തമിഴ്​നാട്ടില്‍ എത്തുന്നതോടെ തമിഴ്​നാട്​ രാഷ്​ട്രീയം ഇളകിമറിയാനാണ് സാധ്യതയെന്ന് പറയുന്നു.