സാധാരണക്കാർക്കായി എസി ത്രീ ടയർ എക്കണോമിക് ക്ലാസ് കോച്ചുകൾ പുറത്തിറക്കി ഇന്ത്യൻ റെയിൽവേ

ന്യൂഡൽഹി : ഉയർന്ന വിലയുള്ള എസി കോച്ചുകൾ സാധാരണക്കാർക്ക് അപ്രാപ്യമാകുന്നതിന് പരിഹാരവുമായി ഇന്ത്യൻ റെയിൽവേ. സ്ലീപ്പർ ക്ലാസിനും നിലവിലുള്ള എസി ത്രീ ടയറിനും ഇടയിലായി പുതിയൊരു കോച്ചാണ് റെയിൽവേ പുറത്തിറക്കിയിരിക്കുന്നത്. കേന്ദ്ര റെയിൽ മന്ത്രി പിയൂഷ് ഗോയലാണ് എസി ത്രീ ടയർ എക്കണോമിക് ക്ലാസിന്റെ വിവരങ്ങൾ പങ്കുവെച്ചത്.

Innovative AC 3 tier economy class coach manufactured in Rail Coach Factory, Kapurthala in Punjab.

⬆️ Passenger capacity increased with new design

⏹ Ergonomic ladder & luminescent aisle markers

⏺ Disabled-friendly toilet entry doors

Watch on Koo: https://t.co/U9BTZdgy47 pic.twitter.com/aMcfVmkscY

— Piyush Goyal (@PiyushGoyal) February 11, 2021

പ്രകാശിക്കുന്ന ബർത്ത് നമ്പരുകളും ഇൻഡിക്കേറ്ററും ഈ കോച്ചുകളുടെ പ്രത്യേകതയാണ്. വെള്ളവും മൊബൈൽ ഫോണുകളും മാഗസിനുകളും സൂക്ഷിക്കാൻ സ്ഥലം ഉൾപ്പെടുത്തിയിട്ടുണ്ട്. എല്ലാ ബർത്തുകളിലും മൊബൈൽ ചാർജിംഗ് പോയിന്റുകളും റീഡിംഗ് ലൈറ്റുകളുമുണ്ട്. ഭിന്നശേഷിക്കാർക്ക് വേണ്ടി ഒരു ഭാഗത്ത് ടോയ്‌ലറ്റും സജ്ജീകരിച്ചിട്ടുണ്ട്. മിഡിൽ , അപ്പർ ബർത്തുകളിലേക്ക് കയറാനായി ആയാസ രഹിതമായ രൂപകൽപ്പനയാണുള്ളത്. എല്ലാറ്റിനുമുപരി മനോഹരമായ ഉൾഭാഗവും കോച്ചുകളുടെ പ്രത്യേകതയാണ്.