Uncategorized
യജ്ഞശാലയിൽ കുംഭം നിറയ്ക്കൽ ആരംഭിച്ചു.
പോത്തൻകോട് : പൂജിതപീഠം സമർപ്പണം ആഘോഷങ്ങളോടനുബന്ധിച്ചുള്ള കുംഭം നിറയ്ക്കൽ യജ്ഞശാലയിൽ ആരംഭിച്ചു. ആശ്രമം പ്രസിഡന്റ് സ്വാമി ചൈതന്യ ജ്ഞാന തപസ്വിയുടെ നേതൃത്വത്തിൽ സന്ന്യാസിമാരും വ്രാതാനുഷ്ഠാനത്തോടെയെത്തിയിട്ടുള്ള ആത്മബന്ധുക്കളും ചേർന്നാണ് കുംഭം നിറയ്ക്കുന്നത്. നാളെ വൈകിട്ട് 4 മണിക്കാണ് ആശ്രമസമുച്ചയത്തെ വലംവെച്ച് കുംഭപ്രദക്ഷിണം നടക്കുക. കുംഭമേളയുടെ ഒരുക്കങ്ങളുടെ ഭാഗമായി ഫെബ്രുവരി 20 ന് രാവിലെ 8.30ന് പർണശാലയിൽ വച്ച് പ്രസിഡന്റ് സ്വാമി ചൈതന്യ ജ്ഞാനതപസ്വി, ജനറൽ സെക്രട്ടറി സ്വാമി ഗുരുരത്നം ജ്ഞാനതപസ്വി എന്നിവർ ചേർന്ന് ആശ്രമ കുംഭം നിറച്ചിരുന്നു.