![“Manju”](https://santhigirinews.org/wp-content/uploads/2020/04/YOUTUBE.jpg")
ബ്രസീലിയ: ഇടവേളയ്ക്കു ശേഷം ബ്രസീലില്‍ കോവിഡ് കേസുകള്‍ വര്‍ധിക്കുന്നു. നഗരത്തിലെ പ്രധാനപ്പെട്ട ആശുപത്രികളെല്ലാം കോവിഡ് രോഗികളാല്‍ നിറഞ്ഞുകവിഞ്ഞതായാണ് റിപ്പോര്‍ട്ട്. കൊറോണ വൈറസിന്‍റെ പുതിയ വകഭേദമാണ് വളരെ വേഗം പടര്‍ന്നുപിടിക്കുന്നത്. കോവിഡ് ആദ്യമായി റിപ്പോര്‍ട്ട് ചെയ്തതിനു ശേഷം ഇതുവരെ രാജ്യത്ത് 266,000 പേരാണ് മരിച്ചത്. 11 ദശലക്ഷം കേസുകളും റിപ്പോര്‍ട്ട് ചെയ്തു. കോവിഡ് മൂലം ഏറ്റവും അധികം മരണം റിപ്പോര്‍ട്ട് ചെയ്യുന്ന രണ്ടാമത്തെ രാജ്യമാണ് ബ്രസീല്‍. ആദ്യ സ്ഥാനത്ത് അമേരിക്കയാണ്. ഏറ്റവും അധികം കേസുകള്‍ റിപ്പോര്‍ട്ട് ചെയ്ത രാജ്യങ്ങളുടെ പട്ടികയില്‍ മൂന്നാമതാണ് ബ്രസീല്‍.
