മാദ്ധ്യമപ്രവർത്തകർക്ക് മേൽ സാനിറ്റൈസർ തളിച്ച് തായ് പ്രധാനമന്ത്രി
ബാങ്കോക്ക് : ഇഷ്ടപ്പെടാത്ത ചോദ്യം ഉന്നയിച്ചതിനെ തുടർന്ന് തായ് പ്രധാനമന്ത്രി പ്രയുത് ചാൻ-ഒച്ച മാദ്ധ്യമ പ്രവർത്തകർക്ക് മേൽ സാനിറ്റൈസർ തളിച്ചു. ഏഴ് വർഷം മുമ്പ് നടന്ന കലാപത്തിൽ പങ്കാളിയായ മൂന്ന് മന്ത്രിമാരെ കഴിഞ്ഞ ആഴ്ച ജയിലിലടച്ചിരുന്നു .
പ്രധാനമന്ത്രി ആദ്യം അറിഞ്ഞിരിക്കേണ്ട ഒന്നല്ലേ ഇത്? എന്ന ചോദ്യം കൂടി മാദ്ധ്യമപ്രവർത്തകർ ഉന്നയിച്ചതോടെ സാനിറ്റൈസറെടുത്ത് മുൻനിരയിലിരുന്നവർക്കുമേൽ തളിക്കുകയായിരുന്നു.
പ്രവചനാതീതമായ പെരുമാറ്റത്തിന് പേരുകേട്ടയാളാണ് പ്രയുറ്റ്. മുമ്പ്, തായ് പ്രധാനമന്ത്രി മാദ്ധ്യമപ്രവർത്തകരിൽ ഒരാളുടെ ചെവിക്ക് പിടിക്കുകയും, ക്യാമറമാന്മാർക്ക് നേരെ പഴത്തൊലി എറിയുകയും ചെയ്തിട്ടുണ്ട് . മാത്രമല്ല 2018 മാദ്ധ്യമങ്ങളോട് സംസാരിക്കാൻ വിസമ്മതിക്കുകയും, സ്വന്തം വലുപ്പത്തിലുള്ള കട്ട് ഔട്ട് സ്ഥാപിക്കുകയും മാദ്ധ്യമപ്രവർത്തകരോട് ” ചോദ്യങ്ങൾ ഈ വ്യക്തിയോട് ചോദിക്കുക” എന്നും പ്രയുത് പറഞ്ഞിരുന്നു.