കോവിഡ് ബാധിച്ച് മരിച്ചത് 3000 നഴ്സുമാര്; ആശങ്ക അറിയിച്ച് ഐ.സി.എന്
മഹാമാരി പൊട്ടിപ്പുറപ്പെട്ടതുമുതല് കൊറോണ വൈറസ് രോഗം ബാധിച്ച് 60 രാജ്യങ്ങളില് നിന്നായി കുറഞ്ഞത് 3,000 നഴ്സുമാര് മരണമടഞ്ഞതായി നഴ്സുമാരുടെ അന്താരാഷ്ട്ര കൗണ്സില് (ഐ.സി.എന്) അറിയിക്കുകയുണ്ടായി. ഇക്കാരണങ്ങള് കൊണ്ട് 2021ന്റെ പകുതി മുതല് നഴ്സിങ് ജോലിയില് നിന്നും ആളുകളുടെ വലിയ കൊഴിഞ്ഞുപോക്ക് പ്രതീക്ഷിക്കാമെന്നും ഐ.സി.എന് മുന്നറിയിപ്പ് നല്കിയിരിക്കുന്നത്.
കൊറോണ വൈറസ് മഹാമാരിക്ക് പിന്നാലെ നഴ്സുമാര് ഒന്നടങ്കം വലിയ രീതിയിലുള്ള പ്രയാസത്തിലൂടെ കടന്നുപോകേണ്ട സാഹചര്യമുണ്ടായെന്നും അവര് പറയുകയുണ്ടായി. മാനസിക പിരിമുറുക്കവും തൊഴിലുമായി ബന്ധപ്പെട്ട മറ്റ് സമ്മര്ദ്ദങ്ങളും കാരണം ലക്ഷക്കണക്കിന് നഴ്സുമാര് തൊഴില് ഉപേക്ഷിക്കുന്ന സാഹചര്യമുണ്ടെന്നും അങ്ങനെ സംഭവിച്ചാല് പരിചയസമ്പന്നരായ കുറച്ച് നഴ്സുമാര് മാത്രം ഈ മേഖലയില് അവശേഷിക്കുന്നതിലേക്ക് നയിക്കുമെന്നും ഐ.സി.എന് പറയുകയുണ്ടായി. ആഗോളതലത്തില് നഴ്സുമാരുടെ ക്ഷാമം പരിഹരിക്കുന്നതിനായി കൂടുതല് പുതിയ നഴ്സുമാരെ പരിശീലിപ്പിക്കുന്നതിനും നിലവിലുള്ളവരെ തൊഴിലില് തുടരാന് പ്രോത്സാഹിപ്പിക്കാന് മികച്ച ശമ്പള പാക്കേജിനും വേണ്ടി സര്ക്കാരുകള് വലിയ നിക്ഷേപം നടത്തേണ്ടതുണ്ടെന്നും ഐ.സി.എന് അഭിപ്രായപ്പെട്ടു.