KeralaLatestThiruvananthapuram
ഇന്ന് പിജി ഡോക്ടര്മാര് 12 മണിക്കൂര് പണിമുടക്കുന്നു
തിരുവനന്തപുരം: സംസ്ഥാനത്ത് പിജി ഡോക്ടര്മാര് പണിമുടക്കിലേക്ക്. മെഡിക്കല് വിദ്യാഭ്യാസ ഡയറക്ടറുമായി നടത്തിയ ചര്ച്ച പരാജയപ്പെട്ടതിനെത്തുടര്ന്നാണ് ഈ നടപടി. പിജി ഡോക്ടര്മാരുടെ സംഘടനയായ മെഡിക്കല് പി.ജി അസോസിയേഷന് ഇന്ന് പന്ത്രണ്ട് മണിക്കൂര് പണിമുടക്കാനും അതിനു ശേഷം അനിശ്ചിതകാല സമരം ചെയ്യാനും പ്രഖ്യാപിച്ചിരിക്കുന്നു.
എന്നാല് കോവിഡ് ചികിത്സ, അത്യാഹിത ചികിത്സാ വിഭാഗങ്ങള് എന്നിവയെ ഇന്നത്തെ സമരത്തില്നിന്ന് ഒഴിവാക്കി. മെഡിക്കല് ഡോക്ടര്മാരുടെ ഒഴിവ് നികത്തുക, സ്റ്റൈപ്പെന്റ് വര്ധന നടപ്പാക്കുക എന്നിവയൊക്കെയാണ് പിജി ഡോക്ടര്മാര് ആവശ്യപ്പെടുന്നത്.