നടുറോഡിൽ പെട്രോൾ ബോംബ് എറിഞ്ഞ് വീഡിയോ: യുവാക്കൾ പിടിയിൽ

ലക്നൗ : നടുറോഡിൽ പെട്രോൾ ബോംബ് എറിഞ്ഞ രണ്ട് പേർ പിടിയിൽ. ഖാലിദ് നൊമാൻ, സാഫ്രി ഫറൂഖി എന്നിവരാണ് റോഡിൽ ബോംബ് എറിഞ്ഞതിന് പോലീസിന്റെ പിടിയിലായത്. പ്രതികൾ ബോംബ് എറിയുന്ന വീഡിയോ ഫോണിൽ പകർത്തിയിരുന്നു. വീഡിയോ സാമൂഹിക മാദ്ധ്യമത്തിൽ പ്രചരിച്ചതോടെയാണ് പ്രയാ​ഗ്രാജ് പോലീസ് ഇവരെ അറസ്റ്റ് ചെയ്തത്. ചോദ്യം ചെയ്യലിൽ വീഡിയോ ഒന്നര വർഷം മുൻപ് എടുത്തതാണെന്ന് പ്രതികൾ വെളിപ്പെടുത്തിതായി പോലീസ് അറിയിച്ചു.

തുടർന്ന് ഈ വീഡിയോ യുപി പോലീസിനെ ടാ​ഗ് ചെയ്തുകൊണ്ട് ട്വിറ്ററിൽ പങ്കുവെച്ചപ്പോഴാണ് ഇത് പുറംലോകം അറിയുന്നത്. വിശദമായ അന്വേഷണത്തിന് ശേഷം പോലീസ് പ്രതികളെ അറസ്റ്റ് ചെയ്യുകയായിരുന്നു.