![“Manju”](https://santhigirinews.org/wp-content/uploads/2020/04/YOUTUBE.jpg")
ഐപിഎല്ലില്‍ ഇന്ന് ചെന്നൈ സൂപ്പര്‍ കിങ്സ് ഇന്ന് ഗുജറാത്ത് ടൈറ്റന്‍സിനെ നേരിടും. മുംബൈ ഇന്ത്യന്‍സിനെ കഴിഞ്ഞ മത്സരത്തില്‍ പരാജയപ്പെടുത്തിയ ആത്മവിശ്വാസത്തിലാണ് ശുഭ്മാന്‍ ഗില്ലും സംഘവും ഇറങ്ങുന്നത്. മോഹിത് ശര്‍മ, റാഷിദ് ഖാന്‍ തുടങ്ങിയ താരങ്ങള്‍ കഴിഞ്ഞ മത്സരത്തില്‍ തിളങ്ങിയെങ്കിലും ടീമിന്റെ ബാറ്റിങ് ഡിപ്പാര്‍ട്ട്മെന്റ് ഇനിയും മെച്ചപ്പെടാനുണ്ട്.
ബംഗളൂരുവിനെതിരെ പുതിയ ക്യാപ്റ്റന്‍ ഋതുരാജ് ഗെയ്ക്വാദിന്റെ കീഴില്‍ ചെന്നൈ മികച്ച പ്രകടനമാണ് കഴിഞ്ഞ മത്സരത്തില്‍ നടത്തിയത്. ഇരുടീമും തമ്മിലുള്ള നേര്‍ക്കുനേര്‍ പോരാട്ടത്തില്‍ ഗുജറാത്ത് 3-2 ന് മുന്നിലാണ്, എന്നാല്‍ കഴിഞ്ഞ വര്‍ഷം, ഐപിഎല്ലിന്റെ ഫൈനലില്‍ ചെന്നൈക്കായിരുന്നു ജയം. അതുകൊണ്ട് തന്നെ ഗുജറാത്തിനിത് തിരിച്ചടിക്കാനുള്ള മത്സരം തന്നെയാണിത്. എംഎ ചിദംബരം സ്റ്റേഡിയത്തില്‍ വൈകിട്ട് 7.30 നാണ് മത്സരം.
