കാ​ഷ്മീ​രില്‍ ഏ​റ്റു​മു​ട്ട​ല്‍; സു​ര​ക്ഷാ​സേ​ന​ മൂ​ന്നു ഭീ​ക​ര​രെ വധിച്ചു

ശ്രീനഗര്‍:  ജ​മ്മു കാ​ഷ്മീ​രി​ല്‍ ഷോപ്പിയാന്‍ ജില്ലയിലുണ്ടായ ഏറ്റുമുട്ടലില്‍ മൂന്ന് ഭീകരരെ സൈന്യം വധിച്ചു. ശനിയാഴ്ച്ച നടന്ന ഏറ്റുമുട്ടലിലാണ് സൈന്യം ഭീകരരെ വധിച്ചത്. മേഖലയില്‍ നിന്നും എ കെ 47 ഉള്‍പ്പെടെ നിരവധി ആയുധശേഖരങ്ങളും സ്‌ഫോടക വസ്തുക്കളും പിടിച്ചെടുത്തിട്ടുണ്ട്.

പ്രദേശത്ത് ഭീകരരുടെ സാന്നിദ്ധ്യമുണ്ടെന്ന് രഹസ്യ വിവരം ലഭിച്ചതിന്റെ അടിസ്ഥാനത്തില്‍ പരിശോധനക്കെത്തിയ സുരക്ഷാ സേനയ്ക്ക് നേരെ ഭീകരര്‍ വെടിയുതിര്‍ക്കുകയും രണ്ടു ജവാന്മാര്‍ക്ക് പരിക്കേല്‍ക്കുകയും ചെയ്തു. തുടര്‍ന്ന് സൈന്യം നടത്തിയ തിരിച്ചിലിനിടയിലാണ് ഭീകരര്‍ കൊല്ലപ്പെട്ടത്. വധിച്ച ഭീകരരെ തിരിച്ചറിഞ്ഞിട്ടില്ലെന്നും അതിനായുള്ള ശ്രമങ്ങള്‍ ആരംഭിച്ചിട്ടുണ്ടെന്നും സൈനിക വൃത്തങ്ങള്‍ അറിയിച്ചു.