![“Manju”](https://santhigirinews.org/wp-content/uploads/2020/04/YOUTUBE.jpg")
പെഷവാര്‍(പാകിസ്താന്‍): പാക് ഭീകര വിരുദ്ധ സേനയിലെ ഇന്‍സ്പെക്ടര്‍ അജ്ഞാതന്റെ വെടിയേറ്റ് മരിച്ചു. മറ്റൊരു സേനാംഗത്തിന് പരിക്കേറ്റു. പാകിസ്താനിലെ ഖൈബര്‍ പക്തൂന്‍ഖ്വ പ്രവിശ്യയുടെ തലസ്ഥാനമായ പെഷവാറില്‍ വെച്ചായിരുന്നു സംഭവം.
ചൈനീസ് വാര്‍ത്താ ഏജന്‍സിയായ ഷിന്‍ഹ്വയാണ് സുരക്ഷ ഉദ്യോഗസ്ഥരെ ഉദ്ധരിച്ചുകൊണ്ട് ഇക്കാര്യം റിപ്പോര്‍ട്ട് ചെയ്തത്.
ശനിയാഴ്ച തോക്കേന്തിയ അക്രമി പെഷവാര്‍ സെന്‍ട്രല്‍ ജയിലിന് പുറത്ത് വെച്ച്‌ ഭീകര വിരുദ്ധ സേനാംഗങ്ങള്‍ക്കു നേരെ (കൗണ്ടര്‍ ടെററിസം ഡിപ്പാര്‍ട്ട്മെന്‍റ്–സി.ടി.ഡി) നിറയൊഴിക്കുകയായിരുന്നു. പരിക്കേറ്റ മറ്റൊരു സേനാംഗത്തെ ആശുപത്രിയില്‍ പ്രവേശിപ്പിച്ചതായി പാകിസ്താന്‍ സുരക്ഷ ഉദ്യോഗസ്ഥര്‍ വ്യക്തമാക്കി. വ്യക്തിയോ സംഘടനയോ ഇതുവരെ ആക്രമണത്തിന്റെ ഉത്തരവാദിത്തം ഏറ്റെടുത്തിട്ടില്ല.
