ന്യൂഡല്ഹി: കോവിഡിന്റെ രണ്ടാം വരവിനെ തുടര്ന്ന് ഏര്പ്പെടുത്തിയ നിയന്ത്രണങ്ങള് പണപ്പെരുപ്പത്തിന് കാരണമാവുമോയെന്ന ആശങ്കയില് ആര്.ബി.ഐ.കോവിഡിന്റെ രണ്ടാം തരംഗത്തിനെതിരെ ഇന്ത്യന് സമ്പദ്വ്യവസ്ഥ പൊരുതുകയാണെന്ന് ആര്.ബി.ഐ അറിയിച്ചു. കഴിഞ്ഞ ദിവസം പുറത്തറിക്കിയ ബുള്ളറ്റിനിലാണ് ആര്.ബി.ഐ പരാമര്ശം.
ബാങ്കിങ് മേഖലക്ക് ആവശ്യമായ പണം ബോണ്ട് മാര്ക്കറ്റിന് നല്കാനാവും. 12.6 ട്രില്യണ് രൂപ വിപണിയില് നിന്ന് കടമെടുക്കാനുള്ള കേന്ദ്രസര്ക്കാര് തീരുമാനത്തിന് തടസങ്ങളുണ്ടാവില്ലെന്നും ആര്.ബി.ഐ പ്രവചിക്കുന്നു. കോര്പ്പറേറ്റ് മേഖലയില് നിന്ന് വരുന്ന നാലാംപാദ ലാഭഫലങ്ങള്, വൈദ്യുത ഉപയോഗം എന്നീ സൂചകങ്ങളെ മുന് ഇന്ത്യന് സമ്പദ്വ്യവസ്ഥ തിരിച്ചു വരുന്നുവെന്ന് പറയാനാകുമെന്നും ആര്.ബി.ഐ വ്യക്തമാക്കുന്നു.
അതേസമയം, ദീര്ഘകാലത്തേക്ക് പണനയത്തില് ഉദാരമായ സമീപനം സ്വീകരിക്കാനാവില്ലെന്നും ആര്ബിഐ ചൂണ്ടികാട്ടുന്നു. അത് വൈകാതെ കര്ശനമാക്കേണ്ടി വരുമെന്നും ആര്.ബി.ഐ മുന്നറിയിപ്പ് നല്കുന്നു.