![“Manju”](https://santhigirinews.org/wp-content/uploads/2020/04/YOUTUBE.jpg")
തൃശൂര്‍: കേരള സാഹിത്യ അക്കാദമി പുരസ്‌ക്കാരം ഉള്‍പ്പടെ നിരവധി പുരസ്കാരങ്ങള്‍ നേടിയ പ്രശസ്ത ബാലസാഹിത്യകാരി സുമംഗല അന്തരിച്ചു. 87 വയസായിരുന്നു. വാര്‍ധക്യ സഹജമായ അസുഖങ്ങള്‍ കാരണം ചികിത്സയിലായിരുന്നു. സുമംഗല തൂലികാ നാമമാണ്, ശരിക്കുള്ള പേര് ലീലാ നമ്ബൂതിരിപ്പാട് എന്നാണ്. ബുധനാഴ്ച പാറമേക്കാവ് ശാന്തി ഘട്ടില്‍ സംസ്കാരം നടക്കും.
കുട്ടികള്‍ക്കുവേണ്ടി അന്‍പതോളം കഥകളും ലഘുനോവലുകളും രചിച്ചിട്ടുണ്ട്. മഞ്ചാടിക്കുരു, മിഠായിപ്പൊതി, പഞ്ചതന്ത്രം എന്നിവയാണ് പ്രധാന കൃതികള്‍. ഭര്‍ത്താവ് അഷ്ടമൂര്‍ത്തി നമ്ബൂതിരിപ്പാട്. മക്കള്‍ ഡോ. ഉഷ നീലകണ്ഠന്‍, നാരായണന്‍, അഷ്ടമൂര്‍ത്തി. .
