മോസ്കോ: ആയുധങ്ങളുമായി പോകുകയായിരുന്ന യുക്രെയ്ന് സേനയുടെ ചരക്കുവിമാനം വെടിവച്ചിട്ടതായി റഷ്യന് പ്രതിരോധമന്ത്രാലയം അറിയിച്ചു.
കരിങ്കടല് തീരത്തെ ഒഡേസ തുറമുഖത്തിനു സമീപമാണ് വിമാനം തകര്ത്തത്. ഒഡേസയിലെ വിദേശ കൂലിപ്പട്ടാളക്കാരുടെ ഔട്ട്പോസ്റ്റും സുമി നഗരത്തില് യുക്രെയ്ന് പട്ടാളം പീരങ്കി പരിശീലനം നടത്തുന്ന സ്ഥലവും മിസൈല് ആക്രമണത്തില് നശിപ്പിച്ചതായി റഷ്യ അറിയിച്ചു. ഇതിനിടെ, പാശ്ചാത്യശക്തികള് നല്കിയ ആയുധങ്ങള് ഉപയോഗിച്ച് പ്രതിരോധം ശക്തിപ്പെടുത്തുമെന്ന് യുക്രെയ്ന് വൃത്തങ്ങള് അറിയിച്ചു. അതിനുശേഷം റഷ്യയുമായി വെടിനിര്ത്തല് ചര്ച്ച ആരംഭിക്കാന് സാധിച്ചേക്കുമെന്നും സൂചിപ്പിച്ചു.