ന്യൂഡല്ഹി: രാജ്യതലസ്ഥാനത്തെ ഓക്സിജന് പ്രതിസന്ധി അവസാനിച്ചുവെന്ന് മുഖ്യമന്ത്രി അരവിന്ദ് കെജ്രിവാള്. മൂന്ന് മാസത്തിനുള്ളില് ഡല്ഹിയിലെ എല്ലാവര്ക്കും വാക്സിന് നല്കും. മന്ത്രിസഭ യോഗത്തിലാണ് കെജ്രിവാള് ഇക്കാര്യങ്ങള് അറിയിച്ചത്.
നിലവില് ഡല്ഹിയില് ഓക്സിജന് ക്ഷാമമില്ല. ആവശ്യത്തിന് ഓക്സിജന് ബെഡുകള് ഡല്ഹിയിലുണ്ട്. മൂന്ന് മാസത്തിനകം യോഗ്യരായ എല്ലാവര്ക്കും കോവിഡ് വാക്സിന് നല്കും. പ്രതിദിനം രണ്ട് വാക്സിനേഷന് കേന്ദ്രങ്ങളെങ്കിലും സന്ദര്ശിക്കാന് ജില്ലാ മജിസ്ട്രേറ്റുമാര്ക്ക് നിര്ദേശം നല്കിയിട്ടുണ്ട്. ഡല്ഹിയിലെ മാധ്യമ പ്രവര്ത്തകര്ക്ക് സ്ഥാപനങ്ങളില് തന്നെ വാക്സിന് നല്കും. ഇതിെന്റ ചെലവ് പൂര്ണമായും സര്ക്കാര് വഹിക്കുമെന്നും കെജ്രിവാള് അറിയിച്ചു.
ഡല്ഹിയില് ഓക്സിജന് ക്ഷാമം രൂക്ഷമായതിനെ തുടര്ന്ന് പ്രശ്നത്തില് സുപ്രീംകോടതിയും ഇടപെട്ടിരുന്നു. ഇനിയൊരു ഉത്തരവുണ്ടാകുന്നത് വരെ പ്രതിദിനം 700 മെട്രിക് ടണ് ഓക്സിജന് ഡല്ഹിക്ക് നല്കണമെന്ന് കേന്ദ്രസര്ക്കാറിനോട് സുപ്രീംകോടതി നിര്ദേശിച്ചിരുന്നു. ഡല്ഹിയിലെ നിരവധി ആശുപത്രികളില് ഓക്സിജന് ലഭിക്കാതെ രോഗികള് മരിച്ചത് വിവാദമായിരുന്നു