മുംബൈ ; രാജ്യത്ത് അനുദിനം പ്രതിസന്ധി സൃഷ്ടിക്കുന്ന കോവിഡ് മഹാമാരിയെ അതിജീവിക്കാന് കഷ്ടപ്പെടുന്ന ജനങ്ങള്ക്കായി, പല ബോളിവുഡ് താരങ്ങളും സഹായം എത്തിക്കുന്നുണ്ട്. ഇതേ മാതൃകയില് ദുരിതമനുഭവിക്കുന്ന ജനവിഭാഗങ്ങള്ക്ക് ജീവകാരുണ്യവുമായി എത്തിയിരിക്കുകയാണ് നടി ജാക്വിലിന് ഫെര്ണാണ്ടസ്.
ഇക്കാര്യം ട്വിറ്ററില് പങ്കുവെച്ച താരത്തിന്റെ വാക്കുകള് ഇങ്ങനെ –
“മദര് തെരേസ പറഞ്ഞിട്ടുണ്ട്, വിശക്കുന്നവന് ഭക്ഷണം കൊടുക്കുമ്പോള് അവിടെ സമാധാനം തുടങ്ങുന്നു. മുംബൈ മുന് പൊലീസ് കമ്മീഷണറായ എസ്.സദാനന്ദന് നടത്തുന്ന മുംബൈയിലെ റൊട്ടി ബാങ്ക് സന്ദര്ശിച്ച ഞാന് അതിലേക്ക് ആകൃഷ്ടയായി. മഹാമാരി കാലത്ത് പട്ടിണി കിടക്കുന്ന ദശലക്ഷക്കണക്കിനാളുകള്ക്ക് റൊട്ടി ബാങ്ക് ഭക്ഷണം വിതരണം ചെയ്തു. കാരുണ്യത്തിന്റെ ഉത്തമ ഉദാഹരണമാണ് അവര്. അവരെ ഈ സമയത്ത് സഹായിക്കാനായതില് ഞാന് അഭിമാനിക്കുന്നു. ആകെ ഒരു ജീവിതമേയുള്ളു. അതിനാല് ആവശ്യക്കാരെ സഹായിച്ചും, ചുറ്റുമുള്ളവരുടെ ദയയുടെ കഥകള് പങ്കുവെച്ചും ഈ ജീവിതം മൂല്യവത്താക്കാം”