![“Manju”](https://santhigirinews.org/wp-content/uploads/2020/04/YOUTUBE.jpg")
ഭുവനേശ്വര്‍: കോവിഡ് രോഗികളുടെ ദിനം പ്രതി വര്‍ദ്ധിക്കുന്ന സാഹചര്യത്തില്‍ ഒഡീഷ സര്‍ക്കാര്‍ ലോക്ഡൗണ്‍ ജൂണ്‍ ഒന്ന് വരെ നീട്ടി.നിലവിലെ ലോക്ഡൗണ്‍ മെയ് 19 ന് അവസാനിക്കാനിരിക്കെയാണ് ചീഫ് സെക്രട്ടറി എസ്‌.സി മോഹന്‍പത്ര വാര്‍ത്തകുറിപ്പിലൂടെ ലോക്ഡൗണ്‍ നീട്ടിയ കാര്യം അറിയിച്ചത്.
ശനി, ഞായര്‍ ദിവസങ്ങളില്‍ സംസ്ഥാനം പൂര്‍ണമായി അടച്ചിടും. ലോക്ക്ഡൗണിന്‍റെ രണ്ടാം ഘട്ടത്തില്‍ കൂടതല്‍ കര്‍ശന നടപടികള്‍ സ്വീകരിക്കുമെന്ന് മോഹന്‍പത്ര പറഞ്ഞു. അവശ്യവസ്തുക്കള്‍ വാങ്ങാനുള്ള സമയം രാവിലെ 6 മുതല്‍ 11 വരെയായി കുറച്ചു. വിവാഹ ചടങ്ങുകളില്‍ പങ്കെടുക്കുന്നവരുടെ എണ്ണം 50 ല്‍ നിന്ന് 25 ആക്കി.മരണാനന്തര ചടങ്ങുകളില്‍ പങ്കെടുക്കുന്നവരുടെ എണ്ണം 20 ആയി പരിമിതപ്പെടുത്തുകയും ചെയ്തതായി സര്‍ക്കാര്‍ അറിയിച്ചു.
