എസ് പി ഫോര്‍ട്ട് ആശുപത്രി ക്യാന്റീനില്‍ തീപിടുത്തം

തിരുവനന്തപുരം: തിരുവനന്തപുരം എസ് പി ഫോര്‍ട്ട് ആശുപത്രി ക്യാന്റീനില്‍ തീപിടുത്തം. ആശുപത്രിക്ക് ഉള്ളില്‍ പുക പടര്‍ന്നതോടെ രോഗികളെ ഒഴിപ്പിക്കുകയാണ്. ആര്‍ക്കും പരിക്കില്ലെന്ന് സൂചന. ആശുപത്രിക്ക് പിന്‍ഭാഗത്താണ് ക്യാന്റീന്‍.രാവിലെ 9 മണിക്ക് ശേഷമാണ് തീപിടുത്തമുണ്ടായത്.
തീ പടര്‍ന്ന് ഇല്ലെങ്കിലും പുക ആശുപത്രിയുടെ രണ്ടും മൂന്നും നിലകളിലേക്ക് പടരുകയായിരുന്നു. ഇതോടെയാണ് ആശുപത്രി മുറികളിലെ രോഗികളെ ഒഴിപ്പിച്ചത്. ആംബുലന്‍സ് എത്തിച്ച്‌ ഇവരെ തൊട്ട് അടുത്ത ആശുപത്രിയിലേക്ക് മാറ്റുകയാണ്. ഫയര്‍ ഫോഴ്‌സ് സ്ഥലത്ത് എത്തിയിട്ടുണ്ട്.