സിഎഎ നടപ്പാക്കുന്നതിൽ നന്ദി പറഞ്ഞ് അഭയാർത്ഥികള്‍

ലുധിയാന : പൗരത്വത്തിന് അപേക്ഷ ക്ഷണിക്കാനുള്ള കേന്ദ്രസര്‍ക്കാര്‍ തീരുമാനത്തില്‍ സന്തോഷം പ്രകടിപ്പിച്ച് പഞ്ചാബിലെ സിഖ് അഭയാർത്ഥികള്‍. തങ്ങൾക്ക് രാജ്യത്തിന്റെ ഔദ്യോഗിക പൗരന്മാരാകാൻ കഴിയുന്ന നിയമം നടപ്പാക്കിയതിന് മോദി സർക്കാരിനോട് അവർ നന്ദി പറയുകയും ചെയ്തു.

കഴിഞ്ഞ ദിവസമാണ് പൗരത്വഭേദഗതി നിയമം(സിഎഎ) നടപ്പാക്കാന്‍ കേന്ദ്രസര്‍ക്കാര്‍ നടപടികള്‍ ആരംഭിച്ചത്. ഇതിന്റെ ഭാഗമായി അഫ്ഗാനിസ്ഥാന്‍, ബംഗ്ലാദേശ്, പാകിസ്താന്‍ എന്നിവിടങ്ങളിൽ നിന്നുള്ള ന്യൂനപക്ഷ സമുദായങ്ങളിലെ കുടിയേറ്റക്കാരിൽ നിന്ന് ഇന്ത്യൻ പൗരത്വത്തിനായി കേന്ദ്രസർക്കാർ അപേക്ഷ ക്ഷണിച്ചിരുന്നു .ഹിന്ദു, ബുദ്ധ, പാഴ്‌സി, ക്രൈസ്തവ, ജൈന, സിഖ് മതവിഭാഗങ്ങളില്‍ പെട്ടവരില്‍നിന്നാണ് അപേക്ഷ ക്ഷണിച്ചിരിക്കുന്നത്

അഫ്ഗാനിസ്ഥാനിലെ കാബൂളിൽ നിന്ന് 2013 ൽ ലുധിയാനയിൽ എത്തി താമസമുറപ്പിച്ച സിഖ് അഭയാർത്ഥിയായ അമ്രീക്ക് സിംഗ് പറഞ്ഞു, ” ഞങ്ങളുടെ മതം മാറ്റി ഇസ്ലാം മതം സ്വീകരിക്കാൻ അഫ്ഗാനിൽ ഞങ്ങളോട് ആവശ്യപ്പെട്ടു. അതിജീവനത്തിന് അവിടെ വളരെ ബുദ്ധിമുട്ടായതിനാലാണ് ഞാൻ ഇന്ത്യയിലേക്ക് വന്നത്. ഇവിടെ പൗരത്വ ഭേദഗതി നിയമം പാസാക്കിയിരുന്നു. നിയമപ്രകാരം ഇന്ത്യൻ പൗരത്വം തേടുന്നതിനായി അടുത്തിടെ അപേക്ഷകൾ ക്ഷണിച്ചിരുന്നു . ഈ നടപടി സ്വീകരിച്ചതിന് ഞങ്ങൾ സർക്കാരിനോട് നന്ദിയുള്ളവരാണ്, ഞാൻ ഉടൻ തന്നെ ഇന്ത്യയിലെ പൗരനാകുമെന്ന് പ്രതീക്ഷിക്കുന്നു.‘

ഇന്ത്യൻ സർക്കാർ പൗരത്വത്തിനായി അപേക്ഷകൾ ക്ഷണിക്കുന്നത് ഞങ്ങൾക്ക് സന്തോഷകരമായ നിമിഷമാണ്. സർക്കാരിന്റെ ഈ നയം ഞങ്ങൾക്ക് പ്രയോജനപ്രദമാണ് , ഞങ്ങൾ സന്തുഷ്ടരും പ്രത്യാശയുള്ളവരുമാണ്,- ഇന്ത്യയിലെത്തിയ അഫ്ഗാനിസ്ഥാനിൽ നിന്നുള്ള മറ്റൊരു സിഖ് അഭയാർഥി സുനിത കൗർ പറഞ്ഞു. ആറ് വർഷം മുൻപാണ് സുനിത ഇന്ത്യയിലെത്തിയത് .

“ കൊറോണയുടെ ഈ ഇരുണ്ട കാലഘട്ടത്തിൽ, വന്ന ഈ വാർത്ത ഞങ്ങൾക്ക് സന്തോഷത്തിന്റെ നിമിഷമാണ് നൽകുന്നത്. . ഞങ്ങൾക്ക് പൗരത്വം ലഭിച്ചുകഴിഞ്ഞാൽ, ഞങ്ങളുടെ എല്ലാ പ്രശ്‌നങ്ങളും പരിഹരിക്കപ്പെടും. ജീവിതം നയിക്കാൻ കേന്ദ്ര ഭരണകൂടം ലഭ്യമാക്കിയിട്ടുള്ള സൗകര്യങ്ങൾ ലഭ്യമാക്കുന്നതിനായി ആധാർ കാർഡ്, റേഷൻ കാർഡ്, മറ്റ് പ്രധാന രേഖകൾ എന്നിവയ്ക്കായി അപേക്ഷിക്കാൻ ഞങ്ങൾക്ക് കഴിയും. അന്തസ്സ്. “- അഫ്ഗാനിസ്ഥാനിൽ നിന്ന് 2012 ൽ ഇന്ത്യയിലെത്തിയ ഷമ്മി സിംഗ് പറഞ്ഞു.

ഗുജറാത്ത്, രാജസ്ഥാൻ, ഛത്തീസ്ഗഡ്, ഹരിയാന, പഞ്ചാബ് എന്നീ 13 ജില്ലകളിൽ താമസിക്കുന്ന അഫ്ഗാനിസ്ഥാൻ, പാകിസ്താൻ, ബംഗ്ലാദേശ് എന്നിവിടങ്ങളിൽ നിന്നുള്ള കുടിയേറ്റക്കാരിൽ നിന്നാണ് ആഭ്യന്തര മന്ത്രാലയം വെള്ളിയാഴ്ച അപേക്ഷ ക്ഷണിച്ചത്

ഈ ജില്ലകളുടെ കളക്ടർമാർക്ക് പുറമെ പഞ്ചാബിലെയും ഹരിയാനയിലെയും ആഭ്യന്തര സെക്രട്ടറിമാർക്കും കുടിയേറ്റക്കാർക്ക് ഇന്ത്യൻ പൗരത്വം നൽകാനുള്ള അധികാരം കേന്ദ്ര ആഭ്യന്തര മന്ത്രാലയം നൽകിയിട്ടുണ്ട്.