മലപ്പുറത്ത് ബ്ലാക്ക് ഫംഗസ് ബാധിച്ച്‌ വീട്ടമ്മ മരിച്ചു

മലപ്പുറം: മലപ്പുറത്ത് ബ്ലാക്ക് ഫംഗസ് ബാധിച്ച്‌ വീട്ടമ്മ മരിച്ചു. മഞ്ചേരി മെഡിക്കല്‍ കോളേജില്‍ ചികിത്സയിലായിരുന്ന പാലക്കാട് സ്വദേശിന് വസന്ത (50)യാണ് മരിച്ചത്. കോവിഡ് ബാധിച്ചു ചികിത്സയിലായിരുന്നു.

പാലക്കാട് കൊട്ടശ്ശേരി സ്വദേശിനിയായ വസന്തയെ കഴിഞ്ഞ 23നാണ് മഞ്ചേരി മെഡിക്കല്‍ കോളേജില്‍ പ്രവേശിപ്പിച്ചത്.ഇന്നലെ കോവിഡ് നെഗറ്റീവായിരുന്നു. ബ്ലാക്ക് ഫംഗസ് ഗുരുതരമായി ബാധിച്ചാണ് മരണം സംഭവിച്ചത്. നേരത്തെ പ്രമേഹരോഗത്തിന് ചികിത്സ തേടിയിരുന്നു.