കോപ്പാ അമേരിക്ക ഫുട്‌ബോൾ വീണ്ടും അനിശ്ചിതത്വത്തിൽ

ബ്രസീലിയ: കോപ്പാ അമേരിക്ക ഫുട്ബോൾ മത്സരങ്ങൾ അനിശ്ചിതത്വത്തിൽ. സംഘാട കരായ കോൺമബോളിന്റെ തീരുമാനത്തിനെതിരെ പ്രതിഷേധം വ്യാപിക്കുകയാണ്. ബ്രസീലിലെ പ്രതിപക്ഷവും നിരവധി സംഘടനകളും കോടതിയെ സമീപിച്ചിരിക്കുകയാണ്. നാളെയാണ് കോടതി കേസിൽ വിധിപറയാനിരിക്കുന്നത്. ഇതിനെതിരെ ആദ്യം രംഗത്ത് വന്ന ബ്രസീൽ ടീം പിന്നീട് വിയോജിപ്പോടെ രാജ്യത്തിനായി മത്സരിക്കാനിറങ്ങുമെന്നും പ്രഖ്യാപിച്ചിട്ടുണ്ട്.

അർജ്ജന്റീനയിലും കൊളംബിയയിലുമായിട്ടാണ് കോപ്പാ അമേരിക്ക ആദ്യം നടത്താനായി തീരുമാനിച്ചത്. എന്നാൽ അർജ്ജന്റീനയിൽ കൊറോണ ബാധ രൂക്ഷമായതോടെയാണ് മത്സരം തന്നെ വേണ്ടെന്ന വയ്ക്കണം എന്ന ആവശ്യം ഉയർന്നത്. എന്നാൽ ബ്രസീൽ ഭരണകൂടം സമ്മതിച്ചതോടെയാണ് ഒരാഴ്ചത്തെ ഇടവേളയിൽ വേദി മാറ്റുന്നത്. എന്നാൽ കോടതി വിധിവരാതെ കോപ്പാ അമേരിക്ക നടക്കില്ലെന്ന അവസ്ഥയാണുള്ളത്.