ബെംഗളൂരു: ബെംഗളൂരുവില് ആരോഗ്യകേന്ദ്രത്തില് നിന്ന് സൗജന്യ വാക്സിന് മോഷ്ടിച്ച് വില്പന നടത്തിയ ആരോഗ്യ പ്രവര്ത്തക പിടിയില്. ബെംഗളൂരുവിന് സമീപം നെലമംഗല ആരോഗ്യകേന്ദ്രത്തിലെ ഗായത്രിയെന്ന ആരോഗ്യ പ്രവര്ത്തകയാണ് സൗജന്യ വാക്സിന് മോഷ്ടിച്ച് വിറ്റഴിച്ചതിന് പിടിയിലായത്. ഇവര് വാക്സിന് കുത്തിവെക്കുന്നതും പണം ഈടാക്കുന്നതുമായ വിഡിയോ പ്രചരിച്ചിരുന്നു . പ്രതിദിന വാക്സിന് കുത്തിവെപ്പ് കഴിഞ്ഞ ശേഷം ബാക്കി വരുന്ന വാക്സിനുകള് ആശുപത്രിയില് നിന്ന് മോഷ്ടിക്കും. ഇത് ആവശ്യക്കാര്ക്ക് മറ്റൊരുസ്ഥലത്ത് വെച്ച് വിതരണം ചെയ്യും. ഇതായിരുന്നു പരിപാടി .
അതെ സമയം പരാതികളുടെ അടിസ്ഥാനത്തില് ചോദ്യം ചെയ്ത ഗായത്രിയില് നിന്ന് കോവിഷീല്ഡിന്റെ രണ്ട് കുപ്പികള് കണ്ടെടുത്തു. അനധികൃതമായി സംഭരിച്ചതിനും വാക്സിന് ഡോസുകള് കരിഞ്ചന്ത നടത്തിയതിനും പ്രതികള്ക്കെതിരെ കേസെടുക്കുമെന്ന് അധികൃതര് അറിയിച്ചു. അതെ സമയം മറ്റൊരു പ്രാഥമിക ആരോഗ്യ കേന്ദ്രത്തില് നിന്ന് വാക്സിന് ഡോസുകള് മോഷ്ടിച്ചെന്നാരോപിച്ച് ഏതാനും ദിവസങ്ങള്ക്ക് മുമ്ബ് മറ്റൊരു ആരോഗ്യ പ്രവര്ത്തകനെ ബെംഗളൂരുവില് അറസ്റ്റ് ചെയ്തിരുന്നു.