മുംബൈ: ഏഷ്യന് അതിസമ്പന്ന പട്ടികയിലെ രണ്ടാം സ്ഥാനം ഗൗതം അദാനിക്ക് നഷ്ടമായി .ഓഹരിവിപണിയില് കനത്ത നഷ്ടം നേരിട്ടതോടെ അദാനി ഗ്രൂപ്പ് കമ്പനികള്ക്കുണ്ടായ തിരിച്ചടിയാണ് പതനത്തിന് കാരണം.
അദാനിയുടെ കമ്പനികളില് നിക്ഷേപമുള്ള മൂന്ന് വിദേശ ഫണ്ട് കമ്പനികളുടെ അക്കൗണ്ട് എന്.എസ്.ഡി.എല് മരവിപ്പിച്ചുവെന്ന റിപ്പോര്ട്ടുകളും പുറത്തുവന്നിരുന്നു. ഇതിനുപിന്നാലൊണ് അദാനി കമ്പനികളുടെ ഓഹരികള് താഴേക്ക് കൂപ്പുകുത്തിയത്. ആഗോളതലത്തില് ഒരാഴ്ചക്കിടെ ഏറ്റവും നഷ്ടമുണ്ടായ സമ്പന്നരുടെ പട്ടികയില് മുന്നിലാണിപ്പോള് ഗൗതം അദാനി.
6300 കോടി ഡോളറായിരുന്ന അദാനിയുടെ ആസ്തിയില് ഒരാഴ്ചക്കിടെ 1320കോടി ഡോളറിന്റെ ഇടിവുണ്ടായി. ഇതോടെ 180കോടി ഡോളറിന്റെ വ്യത്യാസത്തില് ചൈനീസ് വ്യവസായി ഷോങ് ഷാന്ഷന് രണ്ടാമതെത്തി. 84.5 ബില്ല്യണ് ഡോളറിന്റെ ആസ്തിയുമായി മുകേഷ് അംബാനിയാണ് ഏഷ്യയിലെ ഒന്നാമന്. വ്യാഴാഴ്ച മാത്രം അദാനിയുടെ തുറമുഖം മുതല് ഊര്ജം വരെയുള്ള ആറു കമ്പനികളുടെ വിപണിമൂല്യത്തില് 1.59 ലക്ഷം കോടി രൂപയുടെ ഇടിവാണുണ്ടായത്. അതെ സമയം കഴിഞ്ഞ നാലുദിവസമായി കനത്ത നഷ്ടമാണ് അദാനി ഗ്രൂപ്പ് കമ്പനികള് ഓഹരിവിപണിയില് നേരിടുന്നത്. ഒമ്പതു ശതമാനം മുതല് 22 ശതമാനം വരെയാണ് ആറു കമ്ബനികളുടെയും ഓഹരി ഇടിവ്.