അരീക്കോട്: സംസ്ഥാന പൊലീസ് മേധാവിയുടെ ബാഡ്ജ് ഓഫ് ഹോണര് ബഹുമതി അരീക്കോട് പൊലീസ് ഇന്സ്പെകടര് എ. ഉമേഷിന് ലഭിച്ചു. കോഴിക്കോട് ടൗണ് സ്റ്റേഷനില് എസ്.എച്ച്.ഒയായി ജോലി ചെയ്യുന്ന കാലയളവില് പൊലീസ് സ്റ്റേഷന് രാജ്യത്തെ ആദ്യത്തെ ശിശു സൗഹൃദ പൊലീസ് സ്റ്റേഷന്, ജനമൈത്രി പൊലീസ് സ്റ്റേഷന് ഐ.എസ്.ഒ സ്റ്റേഷനാക്കി മാറ്റി എന്നീ നേട്ടങ്ങള് കരസ്ഥമാക്കി കൊടുത്തതിനാണ് പൊലീസ് മേധാവിയുടെ ബാഡ്ജ് ഓഫ് ഹോണര് ബഹുമതിക്ക് അര്ഹത നേടിയത്. കോഴിക്കോട് പെരുവയല് സ്വദേശിയാണ്. സൈക്കോളജിയില് ബിരുദാനന്തര ബിരുദധാരിയാണ് ഉമേഷ്. ഭാര്യ സിജു കുന്ദമംഗലം ഗവ. ഹൈസ്കൂള് അധ്യാപികയാണ്.കേന്ദ്രീയ വിദ്യാലയത്തിലെ 10ാം ക്ലാസ് വിദ്യാര്ഥിനി ആദ്യയും രണ്ടാം ക്ലാസില് പഠിക്കുന്ന അമേയയുമാണ് മക്കള്. പരേതനായ മുന് പൊലീസ് ഓഫിസര് ഉണ്ണികൃഷ്ണന് നായര്, സൗമിനി എന്നിവരാണ് മാതാപിതാക്കള്.
Related Articles
Check Also
Close
-
അടിയന്തര അനുമതിക്കുള്ള അപേക്ഷ പിന്വലിച്ച് ഫൈസര്February 6, 2021 9:21 AM