Latest
വെള്ള ജഴ്സി ഭാഗ്യം
യൂറോ കപ്പ് സെമിയിലെത്തിയ ഇംഗ്ലണ്ട്, ഇറ്റലി, സ്പെയിന്, ഡെന്മാര്ക്ക് എന്നീ ടീമുകളെല്ലാം ക്വാര്ട്ടര് ഫൈനല് കളിച്ചതു വെളുത്ത നിറമുള്ള ജഴ്സി ധരിച്ചായിരുന്നു. ഇതോടെയാണു വെള്ള ജഴ്സിയിലാണ് ഇത്തവണ ഭാഗ്യം എന്ന വിശ്വാസം ശക്തമായത്. സെമിയില് പക്ഷെ 2 ടീമുകള്ക്കേ വെള്ള ജഴ്സി ലഭിക്കൂ. ഇംഗ്ലണ്ട് – ഡെന്മാര്ക്ക് മത്സരത്തില് ഹോം ടീമായ ഇംഗ്ലണ്ടിന് അവരുടെ ഹോം ജഴ്സിയായ വെള്ള ധരിക്കാം. ഇറ്റലി – സ്പെയിന് മത്സരത്തില് ഇറ്റലിക്കു ഹോം ജഴ്സിയായ നീലയാണു ലഭിക്കുക. സെമിയിലും ‘വെള്ളനിറം’ ടീമുകളെ രക്ഷിക്കുമോ എന്നറിയാനുള്ള കാത്തിരിപ്പിലാണു ഫുട്ബോള് പ്രേമികള്. പതിറ്റാണ്ടുകളായി ഇങ്ങനെ ചില ‘വിശ്വാസങ്ങള് ‘ കായിക രംഗത്തുണ്ട് ,അതിന്റെ തുടര്ച്ചയായി ഇതിനെ കാണുന്നവരുമുണ്ട് .