തിരുവനന്തപുരം: സംസ്ഥാനത്ത് സിക വൈറസ് രോഗം റിപ്പോര്ട്ട് ചെയ്യപ്പെട്ടത് തീരെ അപ്രതീക്ഷിതമായല്ലെന്ന് മുഖ്യമന്ത്രി പിണറായി വിജയന്, ഡങ്കി, ചിക്കുന് ഗുനിയ, തുടങ്ങിയ വൈറസ് രോഗങ്ങളെ പോലെ ഈഡിസ് ഈജിപ് തൈ, ഈഡിസ് ആല്ബോപിക്റ്റസ് കൊതുകുകള് പരത്തുന്ന രോഗമാണ് സിക. കേരളത്തില് ഈഡിസ് ഈജിപ്തൈ കൊതുക് സാന്ദ്രത വളരെ കൂടുതലാണ്. ഗുരുതരമായ രോഗമല്ലെങ്കിലും സിക രോഗത്തിന്റെ പ്രധാനപ്രശ്നം ഗര്ഭിണികളെ ബാധിച്ചാല് ഗര്ഭസ്ഥ ശിശുക്കള്ക്ക് തലച്ചോറിന്റെ വളര്ച്ച മുരടിക്കുന്ന മൈക്രോകെഫലി എന്ന വൈകല്യം ഉണ്ടാകാന് സാധ്യതയുണ്ട് എന്നതാണ്. അപൂര്വ്വമായി സുഷുമ്ന നാഡിയെ ബാധിക്കുന്ന ഗില്ലന് ബാരി സിന്ഡ്രോം സിക രോഗികളില് കണ്ടിട്ടുണ്ട്. കേരളത്തില് സിക കണ്ടെത്തിയ വനിത പ്രസവിച്ച കുട്ടിയില് ആരോഗ്യപ്രശ്നമൊന്നും കണ്ടെത്തിയിട്ടില്ലെന്നത് ആശ്വാസകരമാണ്. അമ്മയും കുഞ്ഞും സുഖമായിരിക്കുന്നുവെന്നും മുഖ്യമന്ത്രി വാര്ത്താസമ്മേളനത്തില് പറഞ്ഞു.
Related Articles
Check Also
Close
-
ക്രെഡിറ്റ് കാര്ഡില് ഇഎംഐ സൗകര്യവുമായി ഫെഡറല് ബാങ്ക്June 2, 2022 2:17 PM