![“Manju”](https://santhigirinews.org/wp-content/uploads/2020/04/YOUTUBE.jpg")
ക്രെഡിറ്റ് കാര്‍ഡില്‍ പുതിയ സംവിധാനവുമായി ഫെഡറല്‍ ബാങ്ക്. ഇഎംഐ സൗകര്യമാണ് ക്രെഡിറ്റ് കാര്‍ഡില്‍ ഫെഡറല്‍ ബാങ്ക് അവതരിപ്പിച്ചത്. മര്‍ച്ചന്റ് കൊമേഴ്സ് പ്ലാറ്റ്ഫോമായ പൈന്‍ ലാബ്സിന്റെ പിഒഎസ് വഴി പേ ലേറ്റര്‍ സൗകര്യം ലഭിക്കുന്നതാണ്. ഈ സൗകര്യം ഉപയോഗിച്ച്‌ ഫെഡറല്‍ ബാങ്ക് ക്രെഡിറ്റ് കാര്‍ഡ് ഉടമകള്‍ക്ക് ഇന്ത്യയിലുടനീളമുള്ള സ്റ്റോറുകളില്‍ മാസതവണ വ്യവസ്ഥയില്‍ സാധനങ്ങള്‍ പര്‍ച്ചേസ് ചെയ്യാന്‍ സാധിക്കും.
കേരളത്തിലെയും ബംഗളൂരുവിലെയും തിരഞ്ഞെടുത്ത സ്റ്റോറുകളില്‍ ഈ ഓഫര്‍ ലഭ്യമാകും. ലുലു, ഓക്സിജന്‍, ക്യുആര്‍എസ്, ബിസ്മി, മൈജി, റിലയന്‍സ് ഡിജിറ്റല്‍, ക്രോമ, വിജയ് സെയില്‍സ് എന്നിവയാണ് തിരഞ്ഞെടുത്ത സ്റ്റോറുകള്‍. ചുരുങ്ങിയത് 5,000 രൂപയ്ക്കെങ്കിലും പര്‍ച്ചേസ് നടത്തുന്നവര്‍ക്കാണ് ഈ ആനുകൂല്യം ലഭിക്കുക. കൂടാതെ, 5 ശതമാനം അല്ലെങ്കില്‍ 2,000 രൂപ വരെ ക്യാഷ് ബാക്ക് ഓഫറും ലഭിക്കും.
