KeralaLatestThiruvananthapuram
സ്വര്ണക്കടത്ത് കേസില് എം. ശിവശങ്കറിന്റെ മുന്കൂര് ജാമ്യാപേക്ഷ ഹൈക്കോടതി ഇന്ന് പരിഗണിക്കും
സിന്ധുമോൾ. ആർ
മുഖ്യമന്ത്രിയുടെ മുന് പ്രിന്സിപ്പില് സെക്രട്ടറി എം ശിവശങ്കര് സ്വര്ണക്കടത്ത് കേസില് സമര്പ്പിച്ച മുന്കൂര് ജാമ്യാപേക്ഷ ഹൈക്കോടതി ഇന്ന് വീണ്ടും പരിഗണിക്കും. അറസ്റ്റ് ഒഴിവാക്കാനുള്ള ശിവശങ്കറിന്റെ നാടകമായിരുന്നു ആശുപത്രി വാസമെന്നാണ് കസ്റ്റംസ് കോടതിയെ അറിയിച്ചിരുന്നു.
എന്നാല്, താന് രാഷ്ട്രീയ കളിയുടെ ഇരയാണെന്നും അന്വേഷണത്തിന്റെ പേരില് തന്നെ മാനസികമായ പീഡിപ്പിക്കുകയാണെന്നുമാണ് ശിവശങ്കര് കോടതിയെ അറിയിച്ചത്. കസ്റ്റംസ്, എന്ഫോഴ്സ്മെന്റ് കേസുകളിലാണ് ശിവശങ്കര് മുന്കൂര് ജാമ്യ ഹര്ജി നല്കിയത്. ഇരു കേസുകളിലും ശിവശങ്കറിന്റെ അറസ്റ്റ് സിംഗിള് ബഞ്ച് 23 വരെ തടഞ്ഞിരുന്നു. അതേസമയം, സ്വര്ണക്കടത്ത് കേസില് ഹംസത്ത് അബ്ദുല് സലാം, സംജു എന്നിവരുടെ ജാമ്യാപേക്ഷയില് ഇന്ന് എന്ഐഎ കോടതി വിധി പറയും.