![“Manju”](https://santhigirinews.org/wp-content/uploads/2020/04/YOUTUBE.jpg")
സിന്ധുമോൾ. ആർ
ദോഹ: വിവിധ കാര്യങ്ങള്‍ക്കായി അധികൃതര്‍ പിടിച്ചെടുത്ത വാഹനങ്ങള്‍ ഉടമകള്‍ക്ക് തിരിച്ചെടുക്കാന്‍ ഗതാഗത വകുപ്പ് അവസരമൊരുക്കുന്നു. ഇതിനായി ഒരുമാസത്തെ സമയമാണ് ഗതാഗത വകുപ്പ് അനുവദിച്ചിരിക്കുന്നത്. മൂന്നു മാസത്തിലധികമായി അധികൃതര്‍ നീക്കംചെയ്യുകയും ഇന്‍ഡസ്ട്രിയല്‍ ഏരിയയിലെ യാര്‍ഡിലേക്ക് മാറ്റുകയും ചെയ്ത വാഹനങ്ങളില്‍ തങ്ങളുടേത് ഉണ്ടെങ്കില്‍ അവ ഈ സൗകര്യത്തിലൂടെ തിരിച്ചെടുക്കാന്‍ കഴിയും.
ഇന്‍ഡസ്ട്രിയല്‍ ഏരിയ സ് ട്രീറ്റ് നമ്ബര്‍ 52ലെ ട്രാഫിക് ഇന്‍വെസ്റ്റിഗേഷന്‍ വകുപ്പിലാണ് ഇതുമായി ബന്ധപ്പെട്ട നടപടിക്രമങ്ങള്‍ പൂര്‍ത്തീകരിക്കേണ്ടത്. പിഴ, ഗ്രൗണ്ട് ഫീസ് എന്നിവ അടച്ച്‌ നടപടികള്‍ പൂര്‍ത്തീകരിച്ചാല്‍ വാഹനങ്ങള്‍ ഉടമകള്‍ക്ക് വീണ്ടെടുക്കാന്‍ കഴിയും. നവംബര്‍ 18 മുതല്‍ ഒരു മാസത്തേക്കാണ് ഈ സേവനം ലഭ്യമാകുക. നിശ്ചിത സമയത്തിനകവും ഉടമകള്‍ ഹാജരായി നടപടികള്‍ പൂര്‍ത്തിയാക്കാത്ത വാഹനങ്ങള്‍ ട്രാഫിക് ജനറല്‍ ഡയറക്ടറേറ്റ് ലേലത്തില്‍ വെക്കും.
