Latest
ഭൂചലനത്തില് നടുങ്ങി ഹെയ്തി
പോര്ട്ട് ഔ പ്രിന്സ്: ഹെയ്തിയിലുണ്ടായ ഭൂചലനത്തില് മരിച്ചവരുടെ എണ്ണം 1300 കടന്നതായി റിപ്പോര്ട്ട്. 2,800ല് അധികം ആളുകള്ക്ക് പരിക്കേറ്റിട്ടുണ്ട്. രാജ്യത്തിന്റെ തെക്ക് ഭാഗത്താണ് കൂടുതല് മരണവും റിപ്പോര്ട്ട് ചെയ്തത്. ഇവിടെഅഞ്ഞൂറിലധികം പേര്ക്ക് ജീവന് നഷ്ടമായതായാണ് റിപ്പോര്ട്ട്.റിക്ടര് സ്കെയിലില് 7.2 തീവ്രത രേഖപ്പെടുത്തിയ ഭൂചലനമാണ് ഹെയ്തിയിലുണ്ടായത്. തലസ്ഥാനമായ പോര്ട്ട് ഔ പ്രിന്സിനു 150 കിലോമീറ്റര് പടിഞ്ഞാറ് പത്തു കിലോമീറ്റര് ആഴത്തിലാണ് പ്രഭവകേന്ദ്രം.ഭൂചനലത്തില് 2,868 വീടുകള് പൂര്ണമായും തകര്ന്നു. 5,410 വീടുകള്ക്ക് കേടുപാടുകള് സംഭവിച്ചു. രക്ഷാപ്രവര്ത്തനം തുടരുകയാണ്.