സംസ്ഥാനത്ത് അടുത്തയാഴ്ച മുതല് കൂടുതല് നിയന്ത്രണങ്ങള്
തിരുവനന്തപുരം : സംസ്ഥാനത്ത് അടുത്തയാഴ്ച മുതല് കൂടുതല് നിയന്ത്രണങ്ങള്. അടുത്തയാഴ്ച മുതല് രാത്രികാല കര്ഫ്യൂ ഏര്പ്പെടുത്തുമെന്ന് മുഖ്യമന്ത്രി പിണറായി വിജയന് അറിയിച്ചു. തിങ്കള് മുതല് രാത്രി 10 മുതല് രാവിലെ 6 വരെയാണ് കര്ഫ്യൂ.
ഓരോ ജില്ലയിലെയും പ്രതിരോധ പ്രവര്ത്തനങ്ങള് ഏകോപിപ്പിക്കാന് ഐപിഎസ് ഓഫീസര്മാര്ക്ക് ചുമതല നല്കി. ഇവര് തിങ്കളാഴ്ച ചുമതല ഏറ്റെടുക്കും. പ്രതിവാര രോഗബാധ ജനസംഖ്യ അനുപാതം ഏഴില് കൂടുതലുള്ള പ്രദേശങ്ങളില് ലോക്ക് ഡൗണ് ഏര്പ്പെടുത്താന് ഇന്ന് ചേര്ന്ന അവലോകന യോഗം തീരുമാനിച്ചു. നേരത്തെ ജനസംഖ്യ അനുപാതം എട്ടില് കൂടുതലുള്ള പ്രദേശങ്ങളിലാണ് ലോക്ക്ഡൗണ് ഏര്പ്പെടുത്തിയിരുന്നത്.
കൊവിഡ് ചികിത്സാ രംഗത്ത് പരിചയമുള്ള പ്രമുഖ ഡോക്ടര്മാര്, രാജ്യത്തെ പ്രമുഖ ആരോഗ്യ വിദഗ്ധര്, ഡോക്ടര്മാര് എന്നിവരെയെല്ലാം വിളിച്ച് ഒരു യോഗം ചേരും. സര്ക്കാര് നിലവില് സ്വീകരിച്ച നടപടികള് യോഗത്തില് റിപ്പോര്ട്ട് ചെയ്യുകയും അവരുടെ അഭിപ്രായം ആരായുകയും ചെയ്യും. സെപ്തംബര് ഒന്നിനാണ് ആ യോഗം ചേരുകയെന്നും മുഖ്യമന്ത്രി വാര്ത്താ സമ്മേളനത്തില് പറഞ്ഞു.