![“Manju”](https://santhigirinews.org/wp-content/uploads/2020/04/YOUTUBE.jpg")
ന്യൂഡല്‍ഹി: യുപിയിലെ നോയിഡയില്‍ അനധികൃതമായി നിര്‍മ്മിച്ച കെട്ടിടം പൊളിച്ചു നീക്കണമെന്ന് സുപ്രീംകോടതി. 40 നിലകളുള്ള ഇരട്ട ഫ്ലാറ്റ് സമുച്ചയം പൊളിച്ചു നീക്കാനാണ് ജസ്റ്റീസ് ഡി.വൈ ചന്ദ്രചൂഡ്, എം.ആര്‍ ഷാ എന്നിവരുടെ ബെഞ്ച് ഉത്തരവിട്ടത്.
നോയിഡ അധികൃതരും നിര്‍മാണ കമ്പനിയായ സൂപ്പര്‍ടെകും തമ്മില്‍ അവിശുദ്ധ ബന്ധമുണ്ടെന്നും കോടതി ചൂണ്ടിക്കാട്ടി. ഫ്ലാറ്റുകള്‍ വാങ്ങിയവരുടെ പണം രണ്ടുമാസത്തിനകം നിര്‍മാതാക്കള്‍ തിരിച്ചു നല്‍കണമെന്നും ഫ്ലാറ്റ് സമുച്ചയം പൊളിച്ചു നീക്കാനുള്ള ചെലവ് നിര്‍മാണ കമ്പനി വഹിക്കണമെന്നും കോടതി ഉത്തരവിട്ടു.
നേരത്തെ, കേരളത്തിലെ ഫ്ലാറ്റ് സമുച്ചയങ്ങള്‍ പൊളിച്ചു നീക്കാനും ഇതു പോലെ സുപ്രീം കോടതി ഉത്തരവുണ്ടായിരുന്നു. കൊച്ചിയിലെ നാല് ഫ്ലാറ്റ് സമുച്ചയങ്ങളാണ് സ്ഫോടനം നടത്തി പൊളിച്ചു നീക്കിയത്.
