വിദ്യാര്ത്ഥികള്ക്ക് ആദ്യ ഡോസ് വാക്സീന് നല്കാന് നടപടി സ്വീകരിക്കും; മന്ത്രി ആര് ബിന്ദു
തിരുവനന്തപുരം: വിദ്യാര്ത്ഥികള്ക്ക് ആദ്യ ഡോസ് വാക്സീന് നല്കാന് സ്ഥാപനതലത്തില് നടപടി സ്വീകരിക്കുമെന്ന് ഉന്നത വിദ്യാഭ്യാസ മന്ത്രി ആര് ബിന്ദു. ഒക്ടോബര് നാലിന് ശേഷം ഉന്നത വിദ്യാഭ്യാസ സ്ഥാപനങ്ങളില് ക്ലാസുകള് തുടങ്ങാന് തീരുമാനിച്ചതോടെയാണ് നടപടികള് തുടങ്ങിയത്.
കോളജുകളിലേയും സാങ്കേതിക സ്ഥാപനങ്ങളിലേയും അവസാന രണ്ട് സെമസ്റ്റര് ക്ലാസുകളാണ് ആരംഭിക്കുക. ഷിഫ്റ്റ് അല്ലെങ്കില് ഒന്നിടവിട്ട ദിവസങ്ങളില് ക്ലാസുകള് നടത്താനാണ് നീക്കം. പകുതി വീതം വിദ്യാര്ഥികള്ക്ക് ഇടവിട്ട ദിവസം ക്ലാസ് എന്ന തരത്തില് നടപടി സ്വീകരിക്കും.സമയം സംബന്ധിച്ച കാര്യങ്ങളില് അതത് വിദ്യാഭ്യാസ സ്ഥാപനങ്ങള്ക്ക് തീരുമാനമെടുക്കാം. കഴിഞ്ഞ വര്ഷം ക്രമീകരിച്ച അതേ രീതിയില് തന്നെയായിരിക്കും ക്ലാസുകള് ക്രമീകരിക്കുക. മുഴുവന് അധ്യാപകര്ക്കും വിദ്യാര്ഥികള്ക്കും വാക്സിന് ഉറപ്പാക്കും. വിശദ തീരുമാനത്തിന് ക്ലാസുകള് തുടങ്ങുന്നതിന് മുന്പായി മറ്റന്നാള് പ്രിന്സിപ്പല്മാരുടെ യോഗം ചേരുമെന്നും മന്ത്രി അറിയിച്ചു