InternationalLatest
സഹകരിച്ച് പ്രവര്ത്തിക്കാന് ഇന്ത്യ- സൗദി ധാരണ
ജിദ്ദ: ഭവന നിര്മാണ രംഗത്ത് സഹകരിച്ച് പ്രവര്ത്തിക്കാന് ഇന്ത്യ- സൗദി ധാരണ. സൗദി മുനിസിപ്പല് ഗ്രാമകാര്യ, ഭവന മന്ത്രാലയവും ഇന്ത്യന് ഭവന, നഗരകാര്യ മന്ത്രാലയവും നിര്വഹണ കരാറില് ഒപ്പുവെച്ചു. ഇന്ത്യന് മന്ത്രാലയത്തെ പ്രതിനിധീകരിച്ച് സൗദിയിലെ ഇന്ത്യന് അംബാസഡര് ഡോ. ഒൗസാഫ് സഇൗദും സൗദി മന്ത്രാലയത്തെ പ്രതിനിധീകരിച്ച് കസ്റ്റമര് സര്വിസ് അണ്ടര് സെക്രട്ടറിയും ഇന്റര്നാഷനല് കോഒാപറേഷന് ജനറല് സൂപര്വൈസറുമായ അമീര് സഉൗദ് ബിന് തലാല് ബിന് ബദ്ര് ആലു സഉൗദുമാണ് കരാറില് ഒപ്പുവെച്ചത്. ഭവന നിര്മാണ മേഖലയിലെ നഗരാസൂത്രണം, നിര്മാണം, സുസ്ഥിര വികസനം എന്നീ മേഖലകളില് ഇരുരാജ്യങ്ങളും മുമ്ബ് ഒപ്പിട്ട ധാരാണാപത്രത്തിലെ അജണ്ടകള് കൂടുതല് സജീവമാക്കുന്നതിനാണ് ഈ കരാറെന്ന് സൗദി മന്ത്രാലയം വ്യക്തമാക്കി.