ലക്നൗ: ലഖിംപൂരിലെത്തിയ കോണ്ഗ്രസ് ജനറല് സെക്രട്ടറി പ്രിയങ്ക ഗാന്ധിയെ ഉത്തര്പ്രദേശ് പൊലീസ് അറസ്റ്റ് ചെയ്തു. യൂത്ത് കോണ്ഗ്രസ് ദേശീയ അദ്ധ്യക്ഷന് ശ്രിനിവാസ് ബി വി ട്വിറ്ററിലൂടെയാണ് ഇക്കാര്യം അറിയിച്ചത്.
പ്രിയങ്ക ഗാന്ധിയെ സീതാപൂര് പൊലീസ് സ്റ്റേഷനിലേക്ക് കൊണ്ടുപോയെന്നാണ് റിപ്പോര്ട്ടുകള്.യുപിയില് സംഘര്ഷത്തില് കൊല്ലപ്പെട്ടവരുടെ കുടുംബങ്ങളെ സന്ദര്ശിക്കാന് എത്തിയതായിരുന്നു പ്രിയങ്ക.
जब सत्ता ही असुर बन जाये,
तो 'दुर्गा' को जन्म लेना पड़ता हैProud of my leader @priyankagandhi pic.twitter.com/MFoaSC0jEB
— Srinivas BV (@srinivasiyc) October 4, 2021
ഇന്ന് പുലര്ച്ചെയാണ് പ്രിയങ്ക ഗാന്ധി ലഖിംപൂരിലെത്തിയത്. ‘ഇത് കര്ഷകരുടെ രാജ്യമാണെന്നും, കര്ഷകരെ കാണുന്നതിന് എന്തിനാണ് തടയുന്നതെന്നും പ്രിയങ്ക ഗാന്ധി ചോദിച്ചു. കര്ഷകരുടെ ശബ്ദം കൂടുതല് ശക്തമാവുമെന്നും അവര് പ്രതികരിച്ചു.
ലഖിംപൂര് ഖേരിയില് നാല് കര്ഷകര് ഉള്പ്പടെ എട്ട് പേരാണ് മരിച്ചതെന്നാണ് ജില്ലാ മജിസ്ട്രേറ്റ് സ്ഥിരീകരിച്ചു. സമരക്കാര്ക്കിടയിലേക്ക് വാഹനം ഇടിച്ചുകയറിയാണ് നാല് പേര് കൊല്ലപ്പെട്ടത്. ഈ വാഹനമോടിച്ചത് കേന്ദ്രമന്ത്രിയുടെ മകന് ആശിഷ് മിശ്രയാണെന്ന് റിപ്പോര്ട്ടുകളുണ്ട്. എന്നാല് ഇത് അജയ് കുമാര് മിശ്ര നിഷേധിച്ചു. തന്റെ മകന് സംഭവസ്ഥലത്ത് ഇല്ലായിരുന്നെന്നും, മറ്റ് ചിലരാണ് പ്രശ്നങ്ങളുണ്ടാക്കിയതെന്നും അദ്ദേഹം പറഞ്ഞു