![“Manju”](https://santhigirinews.org/wp-content/uploads/2020/04/YOUTUBE.jpg")
ദുബായ്: ഇന്ത്യന്‍ പ്രീമിയര്‍ ലീഗ് ട്വന്‍റി-20 ക്രിക്കറ്റില്‍ ഇനി പത്തു ടീമുകള്‍ കളിക്കും. അഹമ്മദാബാദും ലക്നോവും ആസ്ഥാനമായി രണ്ടു പുതിയ ടീമുകളെ ഐപിഎല്‍ ഗവേണിംഗ് കൗണ്‍സില്‍ പ്രഖ്യാപിച്ചു. യുഎഇയില്‍ നടന്ന ലേലത്തില്‍ 7090 കോടി രൂപയ്ക്കു സഞ്ജീവ് ഗോയങ്ക നയിക്കുന്ന ആര്‍പിഎസ്ജി ഗ്രൂപ്പ് ലക്നോ ഫ്രാഞ്ചൈസി സ്വന്തമാക്കി.
സ്വകാര്യ ഇക്വിറ്റി ഫേം സിവിസി കാപിറ്റല്‍ ആണ് അഹമ്മദാബാദ് ടീമിന്റെ ഉടമ. 5166 കോടി രൂപ മുടക്കിയാണു സിവിസി അഹമ്മദാബാദിനെ സ്വന്തമാക്കിയത്. ലേലത്തില്‍ പങ്കെടുക്കാനായി 22 കമ്പനികളാണ് അപേക്ഷ നല്‍കിയിരുന്നത്. അതില്‍ അഞ്ചു കമ്പനികളാണ് അവസാന റൗണ്ടിലെത്തിയത്. 2000 കോടി രൂപയായിരുന്നു ടീമുകളുടെ അടിസ്ഥാന വില.
