സ്വര്ണ വില കുറഞ്ഞു
തിരുവനന്തപുരം: സംസ്ഥാനത്ത് സ്വര്ണ വില കുറഞ്ഞു.ഒരു പവന് സ്വര്ണത്തിന് 200 രൂപയാണ് കുറഞ്ഞത്.രാജ്യാന്തര വിപണിയിലും സ്വര്ണ വിലയില് കുറവുണ്ട്.ഇന്ന് പവന് 35,760 രൂപയായിരുന്നു വില.ട്രോയ് ഔണ്സിന് 1781.64 ഡോളറിലാണ് വ്യാപാരം. ഒക്ടോബര് 26നാണ് കഴിഞ്ഞ മാസത്തെ ഏറ്റവും ഉയര്ന്ന നിരക്കില് സ്വര്ണ വില എത്തിയത്. പവന് 36,040 രൂപയായിരുന്നു വില.
കഴിഞ്ഞ രണ്ട് മാസത്തിനിടയിലെ ഏറ്റവും ഉയര്ന്ന നിരക്കായിരുന്നു ഇത്. ഒക്ടോബറില് വില ഉയര്ന്നത് സ്വര്ണ നിക്ഷേപകര്ക്ക് പ്രതീക്ഷ നല്കിയിരുന്നു. എന്നാല് വില താല്ക്കാലികമായി ഇടിഞ്ഞാലും സ്വര്ണ വില ഉയരാനുള്ള സാധ്യതകള് നിരീക്ഷകര് തുടക്കം മുതല് തന്നെ ചൂണ്ടിക്കാട്ടുന്നുണ്ട്.
സെപ്റ്റംബര് 30ന് കഴിഞ്ഞ അഞ്ച് മാസങ്ങള്ക്കിടയിലെ ഏറ്റവും താഴ്ന്ന നിരക്കില് ആയിരുന്നു സ്വര്ണ വില. പവന് 34,440 രൂപയായിരുന്നു വില. സെപ്റ്റംബറില് പവന് 1,000 രൂപയാണ് കുറഞ്ഞത്. ഓഹരികള് കരുത്താര്ജിച്ചതും യുഎസ് ബോണ്ടുകളില് നിന്നുള്ള വരുമാനം ഉയര്ന്നതും സെപ്റ്റംബറില് സ്വര്ണത്തിന് മങ്ങലേല്പ്പിച്ചിരുന്നു .