എയര് ആംബുലന്സ് സംവിധാനം നല്കി മന്ത്രാലയം
കുവൈത്ത് സിറ്റി: കുവൈത്തില് എയര് ആംബുലന്സ് സംവിധാനം ഏര്പ്പെടുത്തിയശേഷം 4500ലേറെ പേര്ക്ക് സേവനം നല്കിയതായി ആരോഗ്യ മന്ത്രാലയം വ്യക്തമാക്കി. 2015ല് മാര്ച്ചിലാണ് അടിയന്തര സാഹചര്യത്തില് ഉപയോഗപ്പെടുത്താന് എയര് ആംബുലന്സ് സംവിധാനം ഏര്പ്പെടുത്തിയത്. ആരോഗ്യരംഗത്ത് രാജ്യത്തിെന്റ ശ്രദ്ധേയമായ ചുവടുവെപ്പാണ് സബാഹ് മെഡിക്കല് ഏരിയയിലെ എയര് ആംബുലന്സ് കേന്ദ്രം. അടിയന്തര സാഹചര്യത്തില് ഇവിടെനിന്ന് ഹെലികോപ്ടറുകള് പറന്നെത്തി അപകടത്തില്പെട്ടവരെ ആശുപത്രിയിലെത്തിക്കും. അതീവ സുരക്ഷസംവിധാനങ്ങളും ആധുനിക സൗകര്യങ്ങളുമുള്ളതാണ് ഹെലികോപ്ടര് ആംബുലന്സുകള്.അടിയന്തര സാഹചര്യങ്ങളിലും അത്യാഹിതങ്ങള് ഉണ്ടാവുമ്പോഴും ഇടപെടേണ്ടത് സംബന്ധിച്ച് ജീവനക്കാര്ക്ക് പ്രത്യേക പരിശീലനം നല്കിയിട്ടുണ്ട്.