ചെന്നൈ: കൂനൂരിലുണ്ടായ ഹെലികോപ്റ്റര് ദുരന്തത്തില് സംയുക്ത സൈനിക മേധാവി ബിപിന് റാവത്ത് അടക്കം 13 പേര് മരിച്ച തമിഴ്നാട് പോലീസ് അന്വേഷിക്കുമെന്ന് ഡിജിപി ശൈലേന്ദ്ര ബാബു. ഊട്ടി എഡി എസ്പി മുത്തുമാണിക്യത്തിന്റെ നേതൃത്വത്തില് അന്വേഷണ സംഘത്തെ നിയോഗിച്ചതായും അദ്ദേഹം അറിയിച്ചു.
പ്രദേശവാസികളില് നിന്നും മൊഴിയെടുത്തെന്നും വിവരങ്ങള് സംയുക്തസേന സംഘത്തിന് കൈമാറുമെന്നും അദ്ദേഹം അറിയിച്ചു. അന്തരിച്ച ജനറല് ബിപിന് റാവത്തിനും ഭാര്യ മധുലികയ്ക്കും അന്ത്യാഞ്ജലി അര്പ്പിക്കാന് നിരവധിയാളുകള് അദ്ദേഹത്തിന്റെ വസതിയിലെത്തി.
കേന്ദ്ര ആഭ്യന്തരമന്ത്രി അമിത്ഷാ, ഡല്ഹി ലഫ്റ്റനന്റ് ഗവര്ണര് അനില് ബൈജാല്, ഉത്തരാഖണ്ഡ് മുഖ്യമന്ത്രി പുഷ്ക്കര് സിംഗ് ധമി, ദേശീയ സുരക്ഷാഉപദേഷ്ടാവ് അജിത്ത് ഡോവല് കോണ്ഗ്രസ് നേതാക്കളായ രാഹുല് ഗാന്ധി, ഹരിഷ് സിംഗ് റാവത്ത്, കൊടിക്കുന്നേല് സുരേഷ് തുടങ്ങിയവരും അദ്ദേഹത്തിന് അന്ത്യാഞ്ജലി അര്പ്പിച്ചു.12.30 മുതല് 1.30 വരെ സേനാംഗങ്ങളാള് ആദരാഞ്ജലി അര്പ്പിക്കും. ഉച്ചകഴിഞ്ഞ് മൂന്നിന് ഡല്ഹിയിലെ ബ്രാര് സ്ക്വയര് ശ്മശാനത്തില് റാവത്തിന്റെയും ഭാര്യയുടെയും മൃതദേഹം സംസ്കരിക്കും.