ലക്നോ: ഹെലികോപ്റ്റര് ദുരന്തത്തില് കൊല്ലപ്പെട്ട ജനറല് ബിപിന് റാവത്തിനെ അനുസ്മരിച്ച് പ്രധാനമന്ത്രി നരേന്ദ്രമോദി. റാവത്തിന്റെ വിയോഗം നികത്താനാകാത്ത നഷ്ടമാണെന്ന് പ്രധാനമന്ത്രി പറഞ്ഞു. ഉത്തര്പ്രദേശിലെ ബല്റാംപുരില് നടന്ന ഒരു ചടങ്ങിനിടെയാണ് മോദി ഇക്കാര്യം പരാമര്ശിച്ചത്.
ഹെലികോപ്റ്റര് അപകടത്തില് ഗുരുതരമായി പൊള്ളലേറ്റ് ബംഗളൂരുവിലെ ആശുപത്രിയില് ചികിത്സയില് കഴിയുന്ന വരുണ് സിംഗിനായി പ്രാര്ഥിക്കുന്നുവെന്നും അദ്ദേത്തിന്റെ ജീവന് രക്ഷിക്കാന് സാധ്യമായതെല്ലാം ചെയ്യുമെന്നും പ്രധാനമന്ത്രി പ്രതികരിച്ചു.
ദുഖത്തെ മറകടന്ന് രാജ്യം മുന്നോട്ടു പോകും. രാജ്യത്തിനകത്തും പുറത്തുമുള്ള വെല്ലുവിളികളെ നമ്മള് നേരിടുമെന്നും അദ്ദേഹം കൂട്ടിച്ചേര്ത്തു