![“Manju”](https://santhigirinews.org/wp-content/uploads/2020/04/YOUTUBE.jpg")
ജിദ്ദ: സൗദി അറേബ്യക്ക് പുറത്തു നിന്നും വരുന്ന 12 വയസും അതില്‍ കൂടുതലുമുള്ള തീര്‍ഥാടകര്‍ക്ക് ഉംറക്ക് അനുമതി നല്‍കി. ഹജ്ജ്, ഉംറ മന്ത്രാലയമാണ് ഇക്കാര്യം അറിയിച്ചത്. നേരത്തേ 18 വയസ് മുതലുള്ളവര്‍ക്കായിരുന്നു അനുമതി. ഉംറ തീര്‍ഥാടകര്‍ക്ക് നിലവിലുണ്ടായിരുന്ന പരമാവധി 50 വയസ് എന്ന പ്രായപരിധി ഈയിടെ മന്ത്രാലയം എടുത്തുകളഞ്ഞിരുന്നു. ഇനി മുതല്‍ 12 വയസിന് മുകളിലുള്ള എല്ലാവര്‍ക്കും വിദേശത്തുനിന്ന് ഉംറ തീര്‍ഥാടനത്തിനും ഇരുഹറമുകളിലെയും നമസ്കാരങ്ങള്‍ക്കും റൗദ സന്ദര്‍ശനത്തിനും അനുമതിയുണ്ട്. സൗദിക്കകത്തുനിന്നുള്ള ആഭ്യന്തര തീര്‍ഥാടകരില്‍ 12 വയസ് മുതല്‍ പ്രായമുള്ളവര്‍ക്ക് നേരത്തേ തന്നെ അനുമതി നല്‍കിയിരുന്നു.
